ކޮންމެ މަސް ދޯންޏަކަށް ތިން ޓަނު އައިސް ހިލޭ ދޫކުރަން ނިންމާފައިވާ ކަމަށް މިފްކޯއިން ހާމަކޮށްފިއެވެ.
އެ ކުންފުނިން މިއަދު ބުނީ، މަސްވެރިން މަހަށް ފުރުވުމަށް ހިތްވަރު ދިނުމުގެ ގޮތުން ސްޓޮކް ހުސްވަންދެން މާދަމާ، މިފްކޯގެ ހުރިހާ ސެންޓަރުތަކުންނާއި ތިނަދޫ އައިސް ޕްލާންޓުން ކޮންމެ ދޯންޏަކަށް ތިން ޓަނު އައިސް ހިލޭ ދޫކުރުމަށް ނިންމާފައިވާ ކަަަމަށެވެ
މިފްކޯއިން ބުނީ މި އައިސް ދޫކުރުމަށް ހަމަޖެހިފައި ވަނީ މާދަމާގެ ނިޔަލަށް ކަމަށެވެ.
މަސްވެރިކަން ވަރަށް ބޮޑަށް ދަށްވެގެން ދިއުމަށްފަހު މިހާރު ރަނގަޅު ވަމުން އަންނައިރު، މަސްވެރިންނަށް ކަންކަން ފަސޭހަކޮށްދިނުމުގެ މަސައްކަތް ސަރުކާރުންވެސް އަންނަނީ ކުރަމުންނެވެ.
