ތައާރަފްކުރުމަށް ތައްޔާރުވެފައިވާ ބްރިކްސް ފައިސާގެ ތަސްވީރުތައް އަލުން ދައްކާލާފައިވާއިރު، އެ ތަސްވީރުތަކުން ބްރެޒިލް، ރަޝިޔާ، އިންޑިއާ، ޗައިނާ، އަދި ދެކުނު އެފްރިކާގެ ދިދަތައް ފެންނަން ހުރެއެވެ. މި ޑިޒައިންތައް ތައްޔާރުކޮށްފައިވަނީ ދުނިޔޭގެ ވިޔަފާރީގައި އެމެރިކާ ޑޮލަރަށް ބަރޯސާވުން ކުޑަކުރުމުގެ މަގުސަދުގައި 2026 ވަނަ އަހަރުގެ ތެރޭގައި އާންމު އައު ކަރަންސީއެއް ތައާރަފް ކުރުމަށް ބްލޮކުން ވަމުންދާ ތައްޔާރީތަކުގެ ތެރެއިންނެވެ.

އޮފިޝަލުން ވިދާޅުވާ ގޮތުގައި މިހަބަރުގެ ބާރު އިތުރުވަމުން ކަމަށާއި، އަދި މި އިނިޝިއޭޓިވް ޖާމިޔާބުކުރުމަށް ބޭނުންވާ ފަންނީ އަދި ސިޔާސީ އޮނިގަނޑުތައް ތަރައްގީ ކުރަމުން އަންނަ ކަމަށެވެ. ޝެއަރޑް ބްރިކްސް ކަރަންސީ އަކީ ބްލޮކްގެ ތެރޭގައި ވިޔަފާރި ހަރުދަނާކުރުމަށާއި، ކުރިއަރަމުން އަންނަ އިގްތިސާދުތަކުގައި ޑޮލަރަށް އޮންނަ ބާރުކުޑަކޮށް، އެހެން ބަދަލެއް ހުށަހެޅުމުގެ ވަސީލަތެއްކަމަށް އެފަރާތުން ދެކެއެވެ.

އެމެރިކާގެ ރައީސް ޑޮނަލްޑް ޓްރަމްޕް ވަނީ މި މަޝްރޫއަށް ފާޑުވިދާޅުވެ، ބްރިކްސްއާ ގުޅިފައިވާ ގައުމުތަކުން ޓެރިފް ނަގާނެކަމުގެ އިންޒާރު ދީފައެވެ. އެކަމަކު ގިނަ ގައުމުތަކުން ދެކޭ ގޮތުގައި މިފަދަ އިންޒާރުތަކަކީ އެމެރިކާގެ މަސްލަހަތަށްޓަކައި ބޭނުންކުރާ ޕްރެޝަރުކުރުމުގެ އުކުޅުތަކެކެވެ. އަދި، އިންޒާރުތަކާއެކުވެސް ވިޔަފާރީގެ ސންދަފާތު އިތުރުކޮށް، ތަފާތު ބަދަލުތައް ގެނައުމަށް ޝައުގުވެރިވާ އެހެން ގައުމުތަކުގެ ސަމާލުކަން އެ ބްލޮކުން ވަނީ ހޯދާފައެވެ.

ޑިޒައިންތައް ދައުރުވެ، ތައްޔާރީތައް ކުރިއަށްދާއިރު، 2026 ވަނަ އަހަރުގައި ބްރިކްސްގެ ފައިސާގެ މަޝްރޫއު ތައާރަފް ކުރުމުގެ ކުރިންވެސް، މިފައިސާ ބަލައިގަނެވިފައިވަނީ ދުނިޔޭގެ މާލީ ނިޒާމަށް ބޮޑު ބަދަލެއް އަތުވެދާނެ މަޝްރޫޢެއް ގޮތުގައެވެ.