ކޮވިޑް-19 އަށް ފަރުވާ ކުރަން އިނގިރޭސިިވާލުގެ ސައިންޓިސްޓުން ހޯދި ފަރުވާއަކީ ބޮޑުކާމިޔާބީއެއްކަމަށް އެގައުމުގެ ބޮޑުވަޒީރު ބޮރިސް ޖޯންސަން ވިދާޅުވެއްޖެއެވެ.
އިނގިރޭސިވިލާތުގެ ސައިންޓިސްޓުންގެ ހޯދުމަށް ބޮރިސް ވަނީ ވަަރަށް ބޮޑަށް ތައުރީފްކުރައްވާ، އެކަން ބޮޑަށް ފާހަގަކުރަން ޖެހޭކަމަށް ވިދާޅުވެފައެވެ.
އިއްޔެ ބޭއްވި ނޫސްވެރިންގެ ބައްދަލުވުމުގައި ބޮރިސް ވަނީ ކޮވިޑް-19އަށް ވަަރަށް އަގު ހެޔޮ ބޭހަކުން ފަރުވާ ލިބޭ ކަމަށް އިއުލާންކުރައްވައިފައެވެ. ޑެކްސަމެތަސޯންގެ ނަމުން ނަން ދީފައިވާ ކުރިންވެސް އަދި މިހާރުވެސް އެކި ކަންކަމަށް ބޭނުންކުރާ މި ބޭހުން ގިނަ މީހުންގެ ފުރާނަ ސަލާމަތްކޮށްދޭކަމަށް ބޮރިސް ވަނީ ވިދާޅުވެފައެވެ. އަދި ވަަރަށް އަގުވެސް ހެޔޮކޮށް ލިބޭނެ ބޭހެއް ކަންވެސް ބޮރިސް ވަނީ ފާހަގަ ކުރައްވާފައެވެ.
އިއްޔެއާ ހަމައަށް އިނގިރޭސިވިލާތުގައި ކޮރޯނާ ޖެހުނު މީހުންގެ އަދަދު 298,136 އަށް އަރާއިރު، މަރުވި މީހުންގެ އަދަދު 41,969 އަށް އަރައެެވެ.
