ދިވެހީންގެ މީހަކު މޮޔަވިއަސް ވަދެގަންނަނީ ގޮސް މިސްކިތަށް
ތިބެގެން އިތުރު ގޯނާ ދެނީ މަތިވެރި މުޤައްދަސްވީ ފޮތަށް
މަސްތެއް ވެގެން ހޭދެބަ ވިއަސް ކުރަނީ ނަޖިސް ގޮސް މިސްކިތަށް
ގަސްދެއް ނެތަސް ޖެއްސުން ކުރަން އެނގެނީ އެކަނި ހަމަ މާތް ފޮތަށް
ކޮށްފާ އެތައް ގިނަ ކުށްކުށާ ހުއްޓަސް ކުރިން ޢަމަލާ ނުބައި
ދައްކައިފި ނަމަ ބުނެފާނެއޭ ހުސްވެފަ ހުރީއޭ ގޮސް ފަތަށް
ދެން ނޯވެއޭ ކުރެވޭ ކަމެއް އަދަބެއް ދެވޭނޭ ވެސް މަގެއް
ދެން ވެސް އެފަދަ ކުށްތައް ކުރަން މިނިވަން ވެއޭ އާ ފުރުސަތަށް
ޤާނޫނުތައް ހުރިނަމަ މިހެން އިސްލާހު ގެންނަން އެބަ ޖެހޭ
ޤާނޫނުތައް އަދި ވާންޖެހޭ ހިޔަލެއް ކަމަށް ވާ ދައުލަތަށް
އުޅެމުން ކުރިން އައި ގޮތް ހިތާ ހަމަ ނޭވައާ އެކުގާ ހިނގާ
އުޅެވެން ޖެހޭ އަދުވެސް މިތާ މުސްލިމް ދިވެހި ތިބި ރައްޔިތަށް
ވާޖިބު ތިބޭނަމަ ބޮލަރުވައި އާޖިޒް ހިލާ ނުވެ މިކަމުގައި
ލާޒިމު ވެޔޭ ޒިންމާ ނެގުން ވެރިކަމުގެ އެކިއެކި ހައިއަތަށް
—————————————————————-
ޑިސެމްބަރު 2021
3 Responses
Hama #Laadheenee E
ހަމަ ލާދީނީ. ދެން ވެރިކަން ކުރާފަރާތަކީވެސް ﷲ ސުބުޙާނަހޫ ވަތަޢާލާއަށް މަރުދޭ ލޯތްބެއްވާ ބަ؛ޔަކަށް ނުވީމާ ވާނޭ މިހެން ކަންދޭމަގުން. މާތްﷲ ގެ ހެޔޮރަޙުމަތްފުޅުން 2023 ނިމޭއިރު މި މުސީބާތްތަކުން ސަލާމަތްވާނެއެވެ. އިންޝާﷲ
މިސަރުކާރުގެވެރިންބޭނުންވާގޮތް