119 ކިލޯގެ މަސްތުވާތަކެތި ފާއިތުވެދިޔަ 48 ގަޑިއިރުތެރޭ އަތުލައިގެންފައިވާ ކަމަށް ކޮމިޝަނާ އޮފް ޕޮލިސް ( ސީޕީ) މުހައްމަދު ހަމީދު ވިދާޅުވެއްޖެ އެވެ.
ސީޕީ މިއަދު ކުރެއްވި ޓުވީޓެއްގައި ވިދާޅުވީ މިދިޔަ އާދިއްތަ ދުވަހު ފުލުހުން ވަނީ 28 ޕެކެޓްގެ މަސްތުވާތަކެތި އަތުލައިގެންފައި ކަމަށެވެެ. އަދި އޭގެ ފަހުން ހިންގި އޮޕަރެޝަނެއްގައި އިތުރު 91 ޕެކެޓް މަސްތުވާތަކެތި އަތުލައިގެންފައިވާ ކަމަށެވެ.
ސީޕީ ވިދާޅުވީ ޕެކެޓް ތަކުގައި ބަންދުކޮށްފައި ހުރި މަސްތުވާތަކެތީގެ ބަރުދަނުގައި 119 ކިލޯ ހުރި ކަމަށެވެ.
Our teams have successfully recovered additional 91 packets of narcotic drugs that are suspected to be heroin after really good policing work during the last 48 hours. This makes it a total of 119 packets with the 28 packets seized on Sunday night. Estimated weight is 119 kgs. pic.twitter.com/oDOUxWre4w
— Mohamed Hameed (@M_Hameedh) December 14, 2021
ސީޕީ ވިދާޅުވާ މަސްތުވާތަކެތި ފުލުހުން އަތުލައިގަތީ މިދިޔަ އާދިއްތަ ދުވަހުގެ ރޭ ފުލުހުން މާލޭގެ މަގުމަތިން ދުއްވާފައި ދިޔަ ޓެކްސީއެއް ހުއްޓުވުވައި އޭގެއިންނެވެ. އެ ޓެކްސީން ފުލުހުން ވަނީ 28 ޕެކެޓް މަސްތުވާތަކެތި އަތުލައިގެންފައެވެ. ވަކި ވަކިން ބަންދުކޮށްފައިހުރި އެ ޕެކެޓްތަކުގެ ކޮންމެ ޕެކެޓެއްގައި އެއް ކިލޯ ހުރި ކަމަށްވެއެވެ.
