ރާއްޖެއިން ކޯވިޑް19 އަށް އިތުރު 161 މީހަކު ފައްސިވެއްޖެއެވެ. މިއަދު ފެނުނު ކޭސްތަކުގެ ތެރެއިން 4 މީހަކު ފައްސިވެފައިވަނީ މީހުން ދިރިއުޅޭ ރަށަކުންނެވެ.އަދި ރިސޯޓްތަކުން 17 މީހަކާއި ސަފާރީ އަކުން މީހަކު ވަނީ ފައްސިވެފައެވެ. އަނެއް 139 ކޭސް ފެނިފައިވަނީ މާލެ ސަރަހައްދުންނެވެ.
މިއަދުގެ ރެކޯޑްތަކާއި އެކު ފައްސިވީ މީހުންގެ ޖުމްލަ އަދަދު މިހާރުވަނީ, 18,930 އަށް ވަނީ އަރައިފައެވެ. އޭގެ ތެރޭގައި، 2,512 އެކްޓިވް ކޭސް ހިމެނޭއިރު، 162 ފަރާތަކަށް ދަނީ އެޑްމިޓް ކޮށްގެން ފަރުވާ ދެމުންނެވެ .
މިހާތަނަށް ރާއްޖެ އިން 60 މީހަކުވަނީ މި ބަލީގައި މަރުވެފައެވެ. އަދި 16,351 މީހަކު ވަނީ މިބަލިން ރަނގަޅުވެފައެވެ.
