މާލޭގެ ގެއަކަށް ވަދެ ފޭރުނު މައްސަލައެއް ފުލުހުން ބަލަން ފަށައިފިއެވެ.
ފުލުހުން ބުނީ، މިކަން ހިނގާފައި ވަނީ ރޭގެ ވަގުތެއްގައި ކަމަށާއި މާލެ، ގަލޮޅުގަައި ހުންނަ ގެއަކަށް ރޭގެ ވަގުތެއްގައި ބަޔަކު ވަދެ ފޭރުނު މައްސަލައެއް ފުލުހުން ގެންދަނީ ތަހުގީގު ކުރަމުން ކަމަށެވެ. އަދި މި މައްސަލައާ ގުޅޭ އިތުރު މައުލޫމާތު ފަހުން ހިއްސާކުރާނެކަމަށް ފުލުހުން ބުނެފައި ވެއެވެ.
މޫނު ނިވާކޮށްގެން ތިބި ދެ ފިރިހެނަކު ވަދެފައިވަނީ ބަނަފްސާ މަގުގައި ހުންނަ ގ. ޑްރީމް އޮފް ގާޑަން ގެއަށެވެ. އެގޭގައި ތިބި ދެ އަންހެނަކާއި، ފިރިހެނަކު ރަހީނުކޮށް ބިރުދެއްކުމަށްފަހު، ތިން ލައްކަ ރުފިޔާ ވަނީ ފޭރިގަނެފައެވެ.
