ހުޅުމާލޭގައި ހަދަމުން އަންނަ އިމާރާތެއްގައި މަސައްކަތްކުރަން އުޅުނު ބިދޭސީއަކު ވެއްޓި ބަނޑަށް ދަގަނޑެއް ހެރިއްޖެ އެވެ.
އެނގިފައިވާ ގޮތުގައި މި ހާދިސާގައި އަނިޔާވެފައި ވަނީ ބަންގްލާދޭޝްގެ، އުމުރުން 30 އަހަރުގެ ފިރިހެނަކަށެވެ.
އަދި އެ ހާދިސާ ހިނގީ ހުޅުމާލޭ 2 ގައި ހަދަމުން އަންނަ ރެޑްވޭވް މޯލްގެ މަސައްކަތުގައި އުޅެނިކޮށް ކަމަށް މައުލޫމާތު ލިބެއެވެ.
އެނގިފައިވާ ގޮތުގައި އޭނާ ވެއްޓި ގޮހޮރަށް ދަގަނޑު ހެރުމުގެ ސަބަބުން ގޮހޮރު ފަޅައިގެން ގޮސްފައި ވާތީ އެކަމަށް ހުޅުމާލޭ ހޮސްޕިޓަލުގައި ވަނީ އޮޕަރޭޝަން ކޮށްފައެވެ.
