މި އަހަރުގެ ފިޠުރު ޒަކާތުގެ ގޮތުގައި ލިބުނު ފައިސާއިން ބައި މިލިއަން ރުފިޔާގެ ކާބޯތަކެތީގެ އެހީތެރިކަން ފަލަސްތީނަށް ފޯރުކޮށްދީފިއެވެ.
ފަަލަސްތީނަށް ޒަކާތު ފަންޑުން ފޮނުވި އެހީ ފޯރުކޮށްދޭ ވީޑިއޯ އިސްލާމީ ކަންތައްތަކާ ބެހޭ ވުޒާރާއިން މިއަދު ވަނީ އާއްމުކޮށްފައެވެ.
އެ ވީޑިއޯއިން ފެންނަނީ ފަލަސްތީނުގެ ސުންނާފަތިވެފައިވާ ގެތަކުގައި ދިރިއުޅޭ ރައްޔިތުންނަށް ދިވެހިންގެ ކާބޯތަކެތީގެ އެހީ ފޯރުކޮށްދޭ މަންޒަރެވެ.
ދިވެހިރާއްޖޭގެ ޒަކާތު ހައުސްއިން މި ފައިސާ ހަވާލުކޮށްފައި ވަނީ އިސްރާ އެސޯސިއޭޝަނާއެވެ. އެ އެސޯސިއޭޝަނުން ވަނީ ފަލަސްޠީނުގައި ހަރަކާތްތެރިވާ އެހީދޭ ފަރާތްތައް ގުޅިގެން އެ އެހީ ފަލަސްޠީނު ރައްޔިތުންނާއި ހަމައަށް ފޯރުކޮށްދީފައެވެ.
