އީރާނުގެ ގަބުރުސްތާނެއްގައި ނެށި 3 އަންހެނުން ހައްޔަރުކޮށްފި

އީރާނުގެ ޚަރާސާންގެ ގަބުރުސްތާނެއްގައި ނެށި 3 އަންހެނުން ހައްޔަރުކޮށްފިއެވެ.
އީރާނުގެ މީޑިއާއިން ހާމަކުރިގޮތުގައި ޝަހީދުން ވަޅުލާ ގަބުރުސްތާނެއްގައި އަންހެނުންތަކެއް ނެށިކަން އެނގުނީ ސޯޝަލް މީޑިއާގައި ދައުރުވާން ފެށި ވީޑިއޯއަކާ ގުޅިގެންނެވެ.
އެ ވީޑިއޯ ފެނުމުން ވަރަށް ގިނަބަޔަކު ރުޅިގަދަވެ ނެށުމުގައި ބައިވެރިވި މީހުންނާމެދު ފިޔަވަޅު އެޅުމަށް ސަރުކާރުގެ ކަމާބެހޭ ފަރާތްތަކަށް ގޮވަންފެށިއެވެ. އެހާ ހިސާބުން ފުލުހުން ނިކުމެ އެއީ ކޮންބައެއްތޯ ބަލައި އެމީހުން ހައްޔަރުކުރިއެވެ.
ސަރުކާރުގެ ކަމާބެހޭ ފަރާތުން ހާމަކުރިގޮތުގައި އެ ނެށުމުގައި ބައިވެރިވި މީހުން ހައްޔަރުކުރި ފަހުން ވަނީ އެމީހުން ކުރި ހުތުރު އަމަލާމެދު ލަދުވެތިވެ މަޢާފަށް އެދިފައެވެ.
ޝަހީދުން ވަޅުލާފައިވާ ގަބުރުސްތާނެއްގައި ނަށައި މަޖާކޮށް ހެދުމަކީ ޝަހީދުންގެ ހުރުކަތް ކެނޑި އާއިލާގެ މީހުންނަށް ހިތްދަތިކަމާއި ރުޅިވެރިކަން އިހުސާސް ކުރެވޭނެ ޢަމަލެކެވެ.
ގަބުރުސްތާނުގައި ނަށައިގެން ބަންދުކުރި މީހުންނާމެދު އަޅާނެ ފިޔަވަޅެއް އަދި ކަނޑައެއްނޭޅެއެވެ.
![]()
Comments are reviewed before publication. You can write in English or Dhivehi.




One Response