އައިޖީއެމްއެޗްގެ ލެބޯރެޓަރީގެ ހިދުމަތް ދޭ ވަގުތު މަދުކޮށް ދުވަހަކަށް 4 ގަޑިއިރަށް ހިދުމަތް ކުރުކޮށްފިއެވެ.
އައިޖީއެމްއެޗް އިން ބުނީ އެ ހޮސްޕިޓަލުންދޭ ލެބޯޓްރީ ހިދުމަތް މާދަމައިން ފެށިގެން އަންނަ ހޮނިހިރު ދުވަހު ނިޔަލަށް ދޭނީ ދުވަހަކަށް ހަތަރު ގަޑިއިރަށް ކަމަށެވެ. އެގޮތުން އަންނަ ހަފްތާގެ ހޮނިހިރު ދުވަހުގެ ނިޔަލަށް ބަންދު ދުވަސްތައް ނޫން ދުވަސްތަކުގައި ކޮންމެ ދުވަހެއްގެ ހެނދުނު 08:00 އިން މެނދުރު 12:00 އާހަމައަށްކަމަށެވެ.
އަދި ދުވާލަކަށް ދޫކުރުމަށް ނިންމާފައިވަނީ 100 ނަންބަރުކަމަށާ އެ ނަންބަރުތައް އޮންލައިންކޮށް އަދި ހޮސްޕިޓަލަށް ގޮސްވެސް ނެގޭނެ ކަމަށްވެސް އެހޮސްޕިޓަލުން ހާމަކުރެއެވެ.
އައިޖީއެމްއެޗް އިން ބުނީ އެ ހޮސްޕިޓަލުން ދޭ ލެބޯޓްރީ ހިދުމަތުގެ ވަގުތަށް ބަދަލުގެނައީ ކޮވިޑް-19ގެ ސަބަބުން މިހާރުގެ ހާލަތަށް ބަލާފަކަމަށެވެ. އަދި ހާލަތަށް އަންނަ ބަދަލާއެކު ހިދުމަތުގެ ވަގުތަކަށްވެސް ބަދަލު ގެނެވޭނެ ކަމަށް ވެސް ހޮސްޕިޓަލުން ބުނެއެވެ.
