އެމެރިކާގެ ޖީއޯޕީ(ގްރާންޑް އޯލްޑް ޕާރޓީ) ނުވަތަ ރިޕަބްލިކަން ޕާރޓީގެ ގިނަ މެމްބަރުންތަކަކާއެކު ވައިޓްހައުސްގައި ރައީސް ޑޮނާލްޑް ޓްރަމްޕް މަޝްވަރާކުރައްވަމުން ގެންދަވަނިކޮށް ނައިބު ރައީސް އަނގަބޭނުމުން ރައީސް ޓްރަމްޕް އެމަނިކުފާނަށް ހަޖޫ ޖައްސަވައިފިއެވެ. އެހެންނަމަވެސް ނައިބު ރައީސް އިންނެވީ ހަމަ ހެވިލާފައި ކަމަށް ވެއެވެ.

މީގެ ކުރިން އަޅުގަނޑުމެން ހީކޮށްގެން ތިބީ ވަޒީފާއަށްޓަކައި ކޮންމެ ހާލަތަކަށްވެސް ރުހިގެން ތިބެނީ ދިވެހިން ކަމަށެވެ. އެކަމަކު މިއަދު ދުނިޔޭގެ މީޑިއާއަށް ސިއްރުކޮށްގެން އެމެރިކާއަށްވެސް މިއުޅެނީ ކަމެއް ނުކުރެވިގެންނެވެ.
މީގެ ކުޑަ ދުވަސްކޮޅެއް ކުރިން ދެކުނު ކޮރެއާގައި އޮތް އޭޝިއާ ޕެސިފިކް އިކޮނޮމިކް ކޯއޮޕަރޭޝަން ސަމިޓްގެ ބައްދަލު ވުމެއްގައި ރައީސް ޑޮނާލްޑް ޓްރަމްޕް ވާހަކަފުޅު ދައްކަވަމުން މިއަހަރު މޭ މަހުގެތެރޭގައި ހިނގާދިޔަ އިންޑިއާ-ޕާކިސްތާނުގެ ދެކޮޅުވެރިކަމާ ގުޅުވައިގެން އިންޑިއާގެ ބޮޑު ވަޒީރު ނަރެންދުރަ މޯޑީ ވާހަކަފުޅުދައްކަވާ ގޮތަށްވެސް މަލާމާތް ކުރައްވާފައިކަމަށް މީޑިއާތަކުން ބުނެފައި ވެއެވެ.
ވައިޓް ހައުސްގައި އޮތް ބައްދަލު ކުރެއްވުމަކީ މިދިޔަ އަންގާރަ ދުވަހުގެ އިންތިޚާބުގައި ނިއު ޔޯރކް އާއި ވަރޖީނިއާ އަދި ނިއު ޖަރސީ އިން ރިޕަބްލިކަން ޕާރޓީއަށް ނާކާބިޔާބު ލިބުމުން ކުރިމަގު ރޭވުމާބެހޭ މަޝްވަރާ ބައްދަލު ކުރެއްވުމެއް ކަމަށް ބުނެފައި ވެއެވެ.
ރިޕަބްލިކަންގެ ބާރު ދެމެހެއްޓުމަށްޓަކައި ކުރަންޖެހޭ ކަމަކީ ގާނޫނު ހަދާ މަޖިލީހަށް ހުށައެޅޭ ބިލްތަކުގެ ބަހުސް މުއްދަތެއް ނެތި ދިގު ދަންމާލުން ކަމަށް ބާރު އަޅުއްވައި ރައީސް ޓްރަމްޕްގެ ވާހަކަފުޅުގައި މެމްބަރުންނަށް އިރުޝާދު ދެއްވިއެވެ. އަހަރެން މިބުނާގޮތަށް ކަންތައް ކޮށްފިނަމަ ޑިމޮޚްރެޓުންނަށް ރިޔާސަތަށް އައުމުގެ ފުރުސަތު ލިބުން ހަނިކުރެވޭނެއެވެ.
ރައީސް ޓްރަމްގެ ވާހަކަފުޅުގައި ދެން އަލިއަޅުވާލީ ދާދިފަހުން ޗައިނާގެ ރައީސް ޝީ ޖިންޕިން އާއެކު ބޭއްވެވި ބައްދަލުކުރެއްވުމެއްގައި ޝީ ޖިންޕިންގެ ނައިބަކު ކަންތައް ކުރެއްވި ގޮތުގެ މައްޗަށެވެ.
ދެކުވުނު ވާހަކައި އަހަރެން ފާޅުކުރި ޚިޔާލަކަށް އެއްވެސް ޖަވާބެއް ނުލިބުމުން، ޖަވާބެއް ދޭނަންތޯ އަހަރެން ސުވާލުކުރީމެވެ. ދެންވެސް ޖަވާބެއް ނުލިބުނެވެ. ޗައިނާގެ ރައީސްގެ ކުރިފުޅުމަތީގައި ފުރުސަތު ދިނުމުން މެނުވީ ވާހަކަ ދައްކައި ނުވަތަ ދެކެވެމުންދާ ވާހަކައިގެތެރެއަށް އަނގަބޭނުމުގެ ފުރުސަތު ނޯންނަކަން އެހާތަނުން އަހަރެންނަށް ސާފުވެއްޖެއެވެ.
އަހަރެންގެ ވަޒީރުންނަކީވެސް މިކަހަލަ ތަހްޒީބު ބަޔަކަށް ވުން އަހަރެން އުންމީދު ކުރަމެވެ. އަހަރެން ވާހަކަ ދައްކަމުންދާއިރު އޭގެތެރެއަށް އަނގަބާނައި ހަދައިގެން ނުވާނެއެވެ. ޗައިނާގެ ނައިބު ރައީސް ނަމޫނާއަކަށް ބަލާށެވެ. ކަލޭމެން ވަޒީރުން ސާފުކުރަން ބޭނުން ކަމެއް އޮތީ ވިއްޔާ އަހަރެންނާ ސުވާލު ކުރާށެވް. ޖަވާބު ދޭނަމެވެ. އެއަށްފަހު ނައިބު ރައީސް ޖޭ ޑީ ވޭންސްއަށް މުޚަތަބް ކޮށް ވިދާޅުވި ކަމަށްވެއެވެ. ކަލޭވެސް ޗައިނާއިން ތަހްޒީބު ދަސްކުރާށެވެ. ރައީސް ޓްރަމްޕް މިހެން ވިދާޅުވުމުން ނައިބުރާއީސް އިންނެވީ ބުދަކަށް ވެފާ ކަހަލައެވެ.