މެންބަރުންގެ މުސާރަކުޑަކޮށްލުމުން އިިންތިޚާބަށް ނެގި ދަރަނި އަދާކުރާނެ ގޮތެއް ނޯންނާނެ: ފަލާހު

Loading

April 1, 2025
profile
Facebook
Twitter
WhatsApp

ރައްޔިތުންގެ މަޖިލިސް މެންބަރުންގެ މުސާރަކުޑަކޮށްލުމުން އިިންތިޚާބަށް ނެގި ދަރަނި އަދާކުރާނެ ގޮތެއް ނޯންނާނެ ކަމަށް އިނގުރައިދޫ ދާއިރާގެ މަޖިލިސް މެންބަރު އިބްރާހިމް ފަލާހު ވިދާޅުވެއްޖެއެވެ.

ފަލާހު މިހެން ވިދާޅުވެފައި ވަނީ މެންބަރުންގެ މުސާރަ ކުޑަކުރަންޖެހޭ ކަމަށްބުނެ ޕެޓިޝަނެއްގައި ސޮއި ކުރަމުން އަންނަ ދަނޑިވަޅެއްގައެވެ.

އެކްސްގައި ކުރެއްވި ޕޯސްޓެއްގައި ފަލާހު ވިދާޅުވީ އެއީ ގޯސް ޚިޔާލެއް ނޫން ކަމަށާއި ނަމަވެސް އެމްޑީޕީގެ ސުޕަ މެޖޯރިޓީ އޮތް، މިދިޔަ 19 ވަނަ މަޖިލީހުގެ މެންބަރުން ދިޔައީ މެންބަރެއްގެ މުސާރަ 100،000އަށް ހަދަން ކަމާ ގުޅުންހުރި ކޮމިޓީން ފާސްކޮށްފައިކަމަށެވެ.

އެގޮތުން އެކަން އެގޮތަށް ނުކުރަން އިރުޝާދު ދެއްވީ މިހާރުގެ ރައީސް ޑރ. މުހައްމަދު މުއިއްޒު ކަމަށާއި މަޖިލިސް މެންބަރުންގެ މުސާރައަށް ބަދަލު ގެނައުން ރަނގަޅީ މަޖިލީހުގެ ދައުރެއް ނިމި އައު ދައުރެއްގެ އިންތިޚާބާ ޖެހުމުން ކަމަށް ފަލާހު ވިދާޅުވިއެވެ.

ސަބަބަކީ އެތައް މިލިއަން ރުފިޔާއެއް ޚަރަދުކުރުމަށް ފަހު މަޖިލީހަށް ވަންނަ ތަނުން މުސާރަ ކުޑަކޮށްފިނަމަ އިިންތިޚާބަށް ނެގި ދަރަނި އަދާކުރާނެ ގޮތެއް ނޯންނާނެތީ މުސާރަކުޑަކުރުން ރަނގަޅު ނޫން ކަމަށް ފަލާހު ވިދާޅުވިއެވެ.

އެހެންކަމުން 21ވަނަ މަޖިލީހަށް، މެމްބަރަކަށް 5000 ރުފިޔާ ކަނޑައެޅީމަ އެ މުސާރަ އޯކޭވެގެން ކުރިމަތިލާ މެމްބަރުންނަކަށް ޝަކުވާކުރެވޭކަށް ނޯންނާނެ ކަމަށް ފަލާހު ވިދާޅުވިއެވެ.

ފަލާހު ވިދާޅުވީ ކުރީގެ ރަޢީސުންގެ އިނާޔަތާމެދުވެސް ވިސްނާލުން މުހިއްމު ކަމަށާއި ފަނޑިޔާރުންގެ ނަންވެސް ޕެޓިޝަނުގަ ޖަހާލިނަމަ ”ސަޅިވިސް“ އަދި ތަފާތު ދައްކަވާ އަދުގެ ރަޢީސް މުޢިއްޒު މުސާރައިގެ ދެބައިކުޅަ އެއްބައި ނަންގަވާ ކަމަށްބުނެ ފަލާހު ވަނީ ރައީސް އަށް ޝުކުރު އަދާކުރައްވާފައެވެ.

Loading

4 Responses

  1. އަޅެފަހެ ޙައިރާނެއް ނުވާނެތަ.? ބީތާވެފައިތަ ތިޔަ ތިބީ ރައްޔިތުން ޖެހޭތަ މަޖިލީހުގެ މެމްބަރުންނަށް ދަރަނި އަދާކުރަން ފައިސާ ދޭން..ރައްޔިތުން ގާތު ބުނިންތަ ދަރަންޏަށް ފައިސާ ނަގަނީއޭ..ރައްޔިތުން ބުނިތަ ދަރަންޏަށް ފައިސާ ނަގާށޭ.ގަމާރީ ވެސް ވަކި ވަރަކަށް ނޫން..ތަންދޮރު ނޭނގެނީ ވެސް މާބޮޑަށް.

  2. ކާކު ބުނީ ލޯނުނަގައިގެން ރައްޔަތުންނަށް ރިޝްވަތު ބަހައިގެން ތި ގޮނޑިތައް ގަންނަން؟ ލަދެއްްވެސް ނުގަނޭދޯ!

Leave a Reply to ހުދުހުދު Cancel reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް