މި އަހަރު މާލެ ސަރަހައްދުގެ ހަތަރު މައިދާނެއްގައި ބޮޑު ޖަމާއަތުގައި ފިތުރު އީދު ނަމާދު ކުރުމަށް ހަމަޖެހިފައިވާކަމަށް އިސްލާމިކް މިނިސްޓްރީން ބުނެފިއެވެ.
އިސްލާމިކް މިނިސްޓްރީން ބުނީ ބޮޑު ޖަމާއަތުގައި މާލޭގައި އީދު ނަމާދު ކުރާނީ މާފަންނަނު ސްޓޭޑިއަމްގައި ކަމަށާއި ހުޅުމާލޭގައި ބޮޑު ޖަމާއަތުގައި ނަމާދުކުރުން އޮންނާނީ ސިންތެޓިކް ޓްރެކާއި ކުރިކެޓް ސްޓޭޑިއަމްގައި ކަމަށެވެ. އަދި ވިލިމާލޭގައި ބޮޑު ޖަމާއަތް އޮންނާނީ ބޯޅަދަނޑުގައި ކަމަށް އެ މިނިސްޓްރީން ބުނެފައި ވެއެވެ.
ބޮޑު ޖަމާއަތުގައި އީދު ނަމާދު ކުރާނެ ތަންތަން ހަމަޖައްސާފައިވާ ނަމަވެސް ވިއްސާރަވުމުގެ ސަބަބުން ކެންސަލްވެއްޖެ ނަމަ ނަމާދު ކުރާނީ މާލެ ސަރަހްދުގައި ހުކުރު ނަމާދުކުރާ ހުރިހާ މިސްކިތެއްގައި ކަމަށްވެސް އިސްލާމިކް މިނިސްޓްރީން ވަނީ ބުނެފައެވެ.
މީގެ އިތުރުން އިސްލާމިކް މިނިސްޓްރީން ވަނީ މާލެ ސަރަހައްދުގައި ބޮޑު ޖަމާއަތް ހިމެނޭހެން މި އަހަރުގެ ފިތުރު އީދު ނަމާދު ކުރަން ހަމަޖެހިފައިވާ މިސްކިތްތަކުގެ ލިސްޓު އާންމުކޮށްފައެވެ.
މާލެ ސަރަހައްދުގައި ބޮޑު ޖަމާއަތް ހިމެނޭހެން މި އަހަރުގެ ފިތުރު އީދު ނަމާދު ކުރަން ހަމަޖެހިފައިވާ މިސްކިތްތައް:
- މާފަންނު ސްޓޭޑިއަމް (ބޮޑުޖަމާއަތް) – މާލެ
- މަސްޖިދުއްސުލްޠާން މުޙައްމަދު ތަކުރުފާނުލްއަޢްޡަމް (އިސްލާމީ މަރުކަޒު) – މާލެ
- މަސްޖިދުލްމަލިކި ސަލްމާން – މާލެ
- މަސްޖިދުލްފުރުޤާން – މާލެ
- މަސްޖިދުއްނޫރު – މާލެ
- މަސްޖިދުއް ޝަޙީދު ޢަލީ – މާލެ
- މަސްޖިދުއްސުލްޠާން ޙަސަން ޢިއްޒުއްދީން (ޠައިބާ މިސްކިތް) – މާލެ
- މަސްޖިދުއްސުލްޠާނު މުޙައްމަދު ފަރީދުލްއައްވަލު (ދުބުރި މިސްކިތް) – މާލެ
- މަސްޖިދު ޝަހީދު ޢަބްދުއްރަޙްމާން (ފަނޑިޔާރު މިސްކިތް) – މާލެ
- މަސްޖިދުއްސުލްޠާން މުޙައްމަދު ޝަމްސުއްދީން (ބަންޑާރަ މިސްކިތް) – މާލެ
- މަސްޖިދު ޞަލާޙުއްދީން – މާލެ
- މަސްޖިދު ޖަލާލުއްދީން – މާލެ
- މަސްޖިދު އިބްރާހީމް – މާލެ
- މަސްޖިދު އިސްކަންދަރު – މާލެ
- ވަގުތީ މިސްކިތް (ބޮޑުގެ) – މާލެ
- މަސްޖިދުއްސުލްޠާނު މުޙައްމަދު ޢިމާދުއްދީން (ރަންމިސްކިތް) – މާލެ
- މަސްޖިދުއްޝައިޚް މުޙައްމަދު ޖަމީލް ދީދީ (ފައިފުހޭ މިސްކިތް) – މާލެ
- މާފަންނު އާމިސްކިތް – މާލެ
- ވިލިމާލެ ބޮޑު ޖަމާއަތް (ވިލިމާލެ ބޯޅަދަނޑު) – ވިލިމާލެ
- މަސްޖިދުއްސަލާމް – ވިލިމާލެ
- ހުޅުމާލެ ބޮޑު ޖަމާއަތް (ސިންތަޓިކް ޓްރެކް) – ހުޅުމާލެ
- މަސްޖިދުއްޝައިޚް ޤާސިމް ބިން މުޙައްމަދު އާލް ޘާނީ (ހުޅުމާލެ ފޭސް 1) – ހުޅުމާލެ
- މަސްޖިދު ރަޝީދު (ހުޅުމާލެ ފޭސް 1) – ހުޅުމާލެ
- މަސްޖިދު ޢަޒީޒާ މޫސާ (ހުޅުމާލެ ފޭސް 1) – ހުޅުމާލެ
- ހުޅުމާލެ ބޮޑު ޖަމާއަތް (ކުރިކެޓް ސްޓޭޑިއަމް) (ހުޅުމާލެ ފޭސް 2) – ހުޅުމާލެ
- މަސްޖިދު ޙަސަން އާދަމް (ހުޅުމާލެ ފޭސް 2) – ހުޅުމާލެ
- މަސްޖިދު އަބީބަކުރިނިއްޞިއްދީޤް (ފޭސް 2 ހުޅުމާލެ) – ހުޅުމާލެ
