ރައްޔިތުންނަށް ހުވަފެނެއް ނުދައްކަވާނެ ކަމަށާއި ވެވަޑަައިގެންނެވި ވައުދުތައް ފުއްދަވާނެ ކަމުގެ ޔަގީންކަން ރައީސް ޑރ.މުޙައްމަދު މުޢިއްޒު މިއަދު ދެއްވައިފިއެވެ.
ވެރިކަމާ ހަވާލުވެވަޑައިގެންނެވުމަށްފަހު ގައުމާ މުޚާޠަބު ކުރައްވައި ރައީސް ވިދާޅުވީ މިއަދަކީ ވަރަށް ތާރީޚީ ދުވަހެއް ކަމަށާއި މި ވަގުތަކީ ވަރަށްް އުންމީދީ ވަގުތެއް ކަމަށެވެ.
“އިރާދަަކުރެއްވީތީ މިއަދަަކީ ޒަަމާންތަކަކަށްފަހު ދިވެހިން ދިވެހިންގެ ރާއްޖެއަށް އަލުން އެނބުރި ދިއުމުގެ ޚާއްސަ ދަތުރަށް ރިޔާ ކޮށަައިލި ދުވަސް‘
މިވަގުތަކީ ދިވެހިންގެ އުންމީދުތައް ހާސިލުކޮށްދީ ކަންބޮޑުވުންތައްް ހަައްލުކޮށްދިނުމުގެ ލޮބުވެތި ވިންދުތައް ’އަޅުގަނޑުމެންގެ ހިތްތަކުން ޖަހަމުންދާ ވަގުތު“ ކަމަށް ވެސް ރައީސް ވިދާޅުވިއެވެ.
ދައުލަތެއްގެ ސަލާާމަަަތާއި ދުނިޔޭގައި އެބައެއްގެ އާރާއި ބާރާ ގަދަރާއި އިހުތިރާމު ނެގެހެއްޓުމަށްޓަކައި މައިގަަނޑު ދެބާވަތެއްގެ ބިނާކުރުމެއް ބިނާކުރާ ކަމަށް ރައީސް ވިދާޅުވިއެވެ.
“އެއީ އުމްރާނީ ބިނާ ކުރުމާއި އިންސާނީ ބިނާކުރުން. އެހެން އިބާރާތަކުން ދަންނަވާނަމަ ގެދޮރާއި ދިފާއީ ބުރުޒުތަކާާއި މަގުތަކާާއި ފާލަންތަކާއި އޮފީސްތައް ބިނާކުރުމާާއި ހެޔޮ ވިސްނުން ހުރި ސިކުނޑިތަކެއް ލިބިފައިވާ އަޚުލާގު ރަނގަޅު މުޖުތަމައުއެއް ބިނާކުރުން. އެހެންކަމުން އެއީ ގައުމުގެ ފަސްގަނޑު ބިނާކުރުމާއި ގައުމުގެ ސިކުނޑިތައް ބިނާކުރުން. މި ފެށުނު ރިޔާސީ ދައުރުގެ ސިޔާސަތަކަށްވާނީ މި ދެބާވަތުގެ ބިނާކުރުން ވަޒަން ހަމަކޮށް ކުރިއަަށް ގެންދިއުން. އިލްމާއި ހުނަރު, އަޚުލާގާއި ދީން, އުޅުންތެރިކަމާއި މަސައްްކަތްތެރިކަަން. މިކަންކަން ދިވެހި ދަރިންގެ ކިބައިގައި އަށަގެންނެވުން. ހަމައެހެންމެ ރާއްޖޭގެ ބިނާވެށްޓަށްް އާދަޔާ ޚިލާފު އިންގިލާބީީ މުއްސަނދިކަމެއް ގެނެސްްދިނުން. އަޅުގަނޑު އެކުލަވައިލާާ ސަރުކާރު ކުރިއަށްދާނީ އިރާދަކުރެއްވިއްޔާާާ މި ދެ އަސާސްގެ މަތީގަ.“
ރައީސްް ވިދާޅުވީ “އަޅުގަނޑުމެން ކަަށަވަރު ކުރަން ބޭނުންވަނީ ރާއްޖޭގެ ބާރުތަަކުގެ މިނިވަންކަންް“ ކަމަށާާއި ވަކިން ޚާއްސަކޮށް އަަަދުލުއިންސާފުގެ ނިޒާމުގެ ތެއެއަށްް ސަރުކާރުގެ ކުޑަވެސް ނުފޫޒެއް ވަންނާނެ ޖާގަ ނުދިނުން ކަމަށެވެ. މީގެ މާނައަކީ ފަހަރެއްގައި ވެސް ދިވެހި ރައްޔިތުންނާއި ދިވެހި ދައުލަަތަށް ޚިޔާާާނަތްތެރިވުމުން އެފަދަ ކުށްތައް ކުރާ ފަރާތްތަކާމެދުގަ ސަރުކާރުން ލޯމަރާލުމެއް ނޫން ކަމަށާއި އެއާ ޚިލާފަށް މީގެ މާނައަކީ ސަރުކާރުން ޝަރުއީ ދާއިރާާއަށް ނުފޫޒު ފޯރުވުން މި ހިނދުން މި ހިނދަށް ނިމުން ކަމަށް ރައީސް ވިދާޅުވިއެވެ.
“އެކަން މި ނިންމީ“ ރައީސް ވިދާޅުވިއެވެ.
“މާތްﷲ ގެ ހެޔޮ ތައުފީގާއެކު ވީ ވައުދުތައް ފުއްދާނަން. ހީލަތްތެރިއެއް ނުވާނެ.“
ހަމައެހެންމެ ހުވަފެނެއް ނުދައްކާނެ ކަމަށާއި ނިކަން ރަހުމާއި ކުލުނާއި އަގަލުު ހުންނާނެ ކަމަށް ވެސް ރަައީސް ވިދާޅުވިއެވެ.
