ރަސްމީ ދަތުރުފުޅެއްގައި، ތުރުކީގެ ޚާރިޖީ ވަޒީރު، ހާކަން ފިޛާން، އިރާނަށް ވަޑައިގެންފިއެވެ. ސެޕްޓެމްބަރު މަހު 3 ވަނަ ދުވަހު ފިޛާން އިރާނަށް ވަޑައިގެންނެވީ އިރާނުގެ ޚާރިޖީ ވަޒީރު، ޙުސައިން އާމިރް އަބްދުﷲއައިންގެ ދައުވަތަކަށް ކަމަށް ތުރުކީގެ ޚާރިޖީ ވުޒާރާއިން ވަނީ ހާމަކޮށްފައެވެ.
ދެގައުމުގެ މަޝްވަރާ ބައްދަލުވުންތައް ކުރިއަށް ގެންދިޔުމަށް ހަމަޖެހިފައިވަނީ އިރާނުގެ ވެރިކަން ކުރާ ތެހްރެއިންގައެވެ.
މިނިސްޓަރ ފިޛާން އިރާނުގެ ޚާރިޖީ ވަޒީރާއެކު ތަފާތު އެކި މައުޟޫއުތަކާ ގުޅޭ އެކި މަޝްވަރާތައް ކުރެއްވުމަށް ހަމަޖެހިފައިވެއެވެ. އެގޮތުން، ސަރަހައްދީ ހަމަޖެހުމާއި، ސަލާމަތާއި، ޖިއޯޕޮލިޓިކްސްގެ ރޮނގުން ހޯދަމުން އަންނަ ކުރިއެރުންތަކާ ގުޅޭ މަޝްވަރާތައް ކުރައްވާނެއެވެ.