މާލެއިން ގެއްލިގެން ހޯދަމުން އައި ޢުމުރުން 15 އަހަރުގެ އަންހެން ކުއްޖާ މިހާރު ފެނިފައިވާކަމަށް ފުލުހުން ވިދާޅުވެއްޖެއެވެ.
ޢުމުރުން 15 އަހަރުގެ އަންހެން ކުއްޖަކު ގެއްލިގެން ހޯދާމުންދާކަން ފުލުހުން ހާމަކުރެއްވީ މިއަދު މެންދުރުފަހުއެވެ.
ތ.ދިޔަމިގިލީ އާގިސާމަންޒިލް, ޒީކް ބިންތި މުޙައްމަދު ރިޔާޒު ގެއްލިގެން ހޯދަމުން އައީ މި މަހުގެ 25 ވަނަ ދުވަހު 17:00 ހާއިރުން ފެށިގެން ގެއިން ބޭރަށް ދިޔަގޮތަށް ގެއަށް އެނބުރި ނައުމުން ޢާއިލާއިން ރިޕޯޓުކުރުމާ ގުޅިގެންނެވެ.
ޢާއިލާގެ ފަރާތުން ފުލުހުންނަށް ރިޕޯޓުކުރީ މި މަހުގެ 26 ވަނަ ދުވަހުގެ 18:17 ހާއިރުއެވެ.
ފުލުހުން މިރޭ ވިދާޅުވީ ޒީކް ބިންތި މުޙައްމަދު ރިޔާޒު މިހާރު ފެނިފައިވާ ކަމަށެވެ.
ފުލުހުން ވަނީ ޒީކް ގެއްލިގެން އުޅޭކަމުގެ މަޢުލޫމާތު ހިއްސާކުރި އެންމެހައި ފަރާތްތަކަށް ޝުކުރު ވެސް އަދާކުރައްވައިފައެވެ.
