އިގެރޭސި ރާނީ އަވަހާރަވެއްޖެ 

Facebook
Twitter
WhatsApp
53A8FA35-A58F-46FB-8BD2-1A24DF4AB8DA

އިއްޔެގެ ވަގުތެއްގައި އިނގެރޭސިވިލާތުގެ ރާނީ އަވަހާރަވެއްޖެއެވެ. އެކަމަނާ އަވަހާރަވީއިރު އުމުރުފުޅަކީ 96 އެކެވެ. ރާނީ އަވަހާރަވެފައިވަނީ ސްކޮޓްލޭންޑްގެ ބެލްމޮރަލް ގަނޑުވަރުގައި ފަރުވާދެމުން ދަނިކޮށެވެ. 

އެކަމަނާގެ ސިއްހީ ހާލަތު ވަރަސް ބޮޑަށް ދަށަށްގޮސްފައިވާކަން ޑޮކްޓަރުން ވަނީ މީގެ ކުރިން ހާމަކޮށްފައެވެ. ރާނީގެ ސިއްހީ ހާލަތު ދަށަށް ދަމުން ދާކަން ޑޮކްޓަރުން ހާމަކުރުމާއި ގުޅިގެން ޝާހީ އާއިލާގެ މެމްބަރުން ވަނީ ރާނީ އަރިހަށް ބެލްމޮރެލް އަށް ޒިޔާރަތްކުރައްވާފައެވެ. 

މިދިޔަ އަހަރުގެ ފަހުކޮޅުން ފެށިގެން ރާނީ އުޅުއްވަނީ އާލާސްކަންފުޅާއެވެ. އަދި އެކަމަނާ ވަނީ ބައެއް ހަރަކާތްތަކަށް ދިޔުންވެސް މުޅިން މެދުކަނޑާލާފައެވެ. 

އިނގެރޭސިވިލާތުގެ ރާނީ އެލިޒަބިތް ފާހަގަކުރެވެނީ މިހާތަނަށް އެ ގައުމުގެ ވެރިކަން ކުރި ހުރިހާ ރަސްކަލުންގެ ތެރެއިންވެސް އެންމެ ގިނަ އަހަރު ވެރިކަމުގައި ދެމިހުންނެވި ރާނީގެ ގޮތުގައެވެ. 

މިކަމާ ގުޅިގެން އިނގެރޭސިވިލާތުގެ ބޮޑުވަޒީރު ލިޒް ޓްރަސް ގެ އިތުރުން ދުނިޔޭގެ އެކި ކަންކޮޅުތަކުގެ އިސްވެރިން ވަނީ ރާނީއަށް ތައުޒިޔާވިދާޅުވެފައެވެ.

Leave a Reply

ޚިޔާލު ފައުޅު ކުރެއްވުމުގައި ދީނީ، ޤާނޫނީ އަދި ސުލޫކީ މިންގަނޑުތަކަށް ސަމާލުކަން ދެއްވުން އެދެމެވެ.

ފަހުގެ އަޕްޑޭޓް