މާލޭގެ ގެއެއްގައި ގޭސްފުޅިއެއް ގޮވައި މީހަކަށް އަނިޔާވެއްޖެ އެވެ.
ފުލުހުން ބުނީ ގޭސްފުޅި ގޮވާފައި ވަނީ މ. އުނިގަސްމަގުގައި ހުރި ގެއެއްގައި ކަމަށެވެ. މި ހާދިސާއާއި ގުޅިގެން އަނިޔާވެފައިވާނީ ދިވެހި ފިރިހެނަކަށް ކަމަށް ވެސް ފުލުހުން މައުލޫމާތު ދެއެވެ.
އެ މީހާއަށް ލިބުނު އަނިޔާގެ ތަފްސީލެއް އަދި ނުލިބެއެވެ. ނަމަވެސް ފުލުހުން ބުނީ އެ މީހާއަށް މާބޮޑު ބޮޑު އަނިޔާއެއް ނުވާ ކަމަށެވެ.
ގޭސްފުޅި ގޮވަން މެދުވެރިވި ސަބަބު ވެސް އަދި ސާފެއް ނުވެ އެވެ.
ފުލުހުން އަންނަނީ ހާދިސާ ހިނގި ގޭގައި ހަރަކާތްތެރިވަމުންނެވެ.
