އިންޑިޔާގައި ބުރުގާ އަޅައިގެން ކުލާހަށް ވަނުމުގެ ހުއްދަ ކިޔަވާ ކުދިންތަކަކަށް ނުދީގެން އުޅޭ މަސްއަލައިގެ ތެރެޔަށް ނޯބެލް ސުލްހައިގެ އިނާމް ލިބިފައިވާ މަލާލާ ޔޫސުފް ޒާއީ ވަދެއްޖެ އެވެ. ކަރްނާޓަކާ އަށް ނިސްބަތްވާ ހައިސްކޫލް ހަކުއްޖަކު އެކުދިންނަށް ގެއްލިފައިވާ ހައްގު ހޯދުމަށް މަސައްކަތް ކުރަމުންދާތާ މިހާރު ވަނީ ދުވަސްތަކެއްވެފައެވެ. މިކަމާބެހޭ ގޮތުން މަލާލާ ކުރި ޓްވީޓެއްގައި ބުނެފައިވަނީ މިގޮތަށް ބުރުގާ މަނާކޮށްލުމަކީ، އެކަމުން ބިރުވެރި ނަތީޖާއެއް ނިކުމެދާނެ ކަމެއްކަމުގައެވެ. އަދި މިމަސްއަލަ އަވަސް ގޮތަކަށް ހައްލު ކޮށްދެއްވުމަށް އޭނާ އިންޑިޔާގެ ލީޑަރުންގެ ކިބައިން އެދިފައި ވެއެވެ.
މުހިންމު އިމްތިހާންއަކާ ދިމާކޮށް ބުރުގާއެޅި ހަ ކުއްޖަކު ކްލާހަށް ވަނުން މަނާކުރިމަސްއަލަ މިހާރުވަނީ އިންޑިޔާގެ ހައިކޯޓާ ހަމަޔަށް ފޯރާފައެވެ. އަދި މަސްއަލަ ހޫނުވެ ކުރިމަތިލުންތައް ފުޅާވަމުން ދިއުމާއި ގުޅިގެން އަންގާރަ ދުވަހު ސްކޫލްތައްވެސް ތިން ދުވަހަށް ބަންދު ކޮށްފައިވެއެވެ. އަންގާރަ ދުވަހުގެ ކުރިމަތިލުންތަކުގައި އެތައްބަޔަކު ޒަޚަމްވެ، މުދަލަށް ގެއްލުންތައް ދީފައިވެއެވެ.
އަންހެން ކުދިންނަށް ތައުލީމް ދިނުމަށްބާރުއަޅާ އެކަމަށް ވަކާތުކޮށް އަޑު އުފުލަމުން އައި މަލާލާޔަށް ވަނީ އޭނާގެ އުމުރުން ފަނަރައަހަރުގައި ތާލިބާނުން ބަޑީގެ ހަމަލާއެއްދިފައެވެ. މޫނަށާ ބޮލަށް ބޮޑެތި ގެއްލުންތަކެއް ލިބުނު ހަމަލާގައި އޭނާ ވަނީ އިގިރޭސި ވިލާތުން ފަރުވާ ހޯދާފަ އެވެ.
އިންޑިޔާގައި ސްކޫލްކުދިނަށް ބުރުގާމަނާކޮށްގެން އުޅޭ މަސްއަލައިގައި މަލައިލާ އަންގާރަ ދުވަހު ކުރި ޓްވީޓްގައި އޭނާ ވަނީ އަންހެނުން ނިވާކަން ކުޑައެއްޗެތި ލާތީ ކަމަށްބުނެ އިހާތެތި ކުރެވޭ އިރު،ނިވާ ވެގެން ތިބުންވެސް މައްސަލައަކަށް ވަމުންދާތީ އެކަމާ ކަންބޮޑުވުން ފާޅުކޮށްފައެވެ.
One Response
ތިގޮތަށް އުޅުނު މޫނުބުރުގާ މަނާކުރަން. ފަހުނެ މިހާރު ފެންނަނީ އަންހެނެއް ފިރިހެނެއް ނެތި މޫނުބުރުގައި އަޅައިގެން ނޫނީ މަގުމައްޗަށް ނުނިކުތކުމަށް ގާނޫނު ހަދައިގެން މޫނުބުރުގާ އަޅުވާތަން . އަދި ނާޅަމީހުން ޖަލަައްލައި ޖޫރިމަނާ ކުރާތަން. ވީމާ އިންސާނާ ބޭނުންހާގޮތަކަށް ދުނިޔޭގެ ކަންތަކެއް ނުދާނެކަން ދަންނަން ވެއްޖެނޫންތޯއެވެ.