ކޮވިޑް-19 އާ ގުޅިގެން ޒަރޫރީ ބޭނުމެއްގައި ނޫނީ މީހުން ދިރިއުޅޭ އެއްރަށުން އަނެއް ރަށަށް ދަތުރުކުރުން މަނާކޮށްފިއެވެ.
އެޗްޕީއޭ އިން ދެންމެ ނެރުނު އެންގުމެއްގައި ވިދާޅުވެފައި ވަނީ، އަތޮޅުތަކުގެ ރަށްރަށުގައި ބަލި ފެތުރުން ކޮންޓްރޯލު ކުރުމަށްޓަކައި މެއި ހަތަރު ވަނަ ދުވަހުން ފެށިގެން އެއް ހަފްތާގެ މުއްދަތަށް، މާލެ ސަރަޙައްދު (މާލެއާއި،ވިލިނގިއްޔާއި، ހުޅުމާލެއާއި، ގުޅިފަޅާއި، ތިލަފުށި) ފިޔަވައި އެހެން ރަށްރަށަށް ދަތުރުކުރުން މަނާވާނެކަމަށެވެ.
އެގޮތަށް ހަމަޖެއްސިނަމަވެސް ރައްޔިތުންނަށް ބޭނުންވާ ކާބޯތަކެއްޗާއި އެނޫންވެސް ޒަރޫރީ ތަކެތި ފޯރުކޮށް ދިނުމަށް ކުރާ ދަތުރުތަކާއި މަސައްކަތްތަ ކަށް، ލޯކަލް ކައުންސިލްތަކުން މަގުފަހިކޮށްދިނުމަށް ވަނީ އަންގާފަ އެވެ.
އެޗްޕީއޭއިން މި ފިޔަވަޅުތައް އަޅާފައި ވަނީ ރާއްޖޭގެ ގިނަ ސަރަހައްދު ތަކެއްގައި ކޮވިޑް19 ހަލުވިކަމާއެކު ފެތުރެމުން އަންނާތީއެވެ. ކޮވިޑް19 ހަލުވިކަމާއެކު ފެތުރެމުން އަންނަ 25 ރަށެއް މިހާރު ވަނީ މޮނިޓަރިންގ ހާލަތަށް ގެނެސްފައެވެ.
2 Responses
Koba ekkala anni
ގިނަ ގައުމުތަކުގައި ރައީސް ނުވަތަ ޕްރައިމިނިސްޓަރު މިފަދަ އިމާރޖެންސީ ޙާލަތް ތަކުގައި ގައުމުގެ ފުރަންޓް ލައިންގައި ފަހުބަސްބުނެ ވާނުވާގޮތް ވަރަށް ގާތުންބައްލަވާ އުޅުއްވަނީ. މިގައުމުގައި މަޖިލިސްގެ ރައީސާއި ރައްޔަތުން އިސްކޮށްފަހުރި ރައީސް އާއި ދެބޭފުޅުންގެ ޕަވަރ ސްޓްރަގަލް އާއި ހެދި މި މައިމޫނާއްތަގެ އަތުގައި ބާރު އޮތްކަމަށް ދައްކުވައިގެން އުޅުއްވަނީ. ހަނާ ވަނީ ރައްޔަތުންނެވެ. ރައީސްއަށް ކަންތައް ނުވަންޏާ މަޖިލީސްގެ ރައީސްގެ ބާރުގަދައްޔާމު ސޯލިޙު ރައީސްގެ އިތުބާރުނެތްކަމުގެ ވޯޓެއްނަގައިފަ ނިންމާލަންވީނު.
އޭރުން ފައިސަލް އަށްވެސް ކުޑަދުވަސްކޮޅަކު ރައީސްކަން ކޮށްލާފަ ދެން އޭނަގެވެ ނޯ ކޮންފިޑެންސް ނަގާނީ. ދެން އޭރުން ބޮޑުވަޒީރަށް ވެވެންދެންވެސް 3 މަސްދުވަހު މަޖިލިސްގެ ރައީސް އަށް ވެރިކަން ކޮށްލަން ލިބޭނެނު. ހަމަ ބުނެލީ ކަމުގެ ބާވަތުން!