ބޭންކް އޮފް މޯލްޑިވްސް އިން 70 ޑޮލަރު އޭޓީއެމް ހިމެނޭހެން 90 އޭޓީއެމް ރޭ އިފްތިތާހުކޮށްފިއެވެ.
ރޭ ބޭއްވި ރަސްމިއްޔާތެއްގައި މި އާ ޚިދުމަތްތައް އފްތިތާހުކޮށްދެއްވީ ރައީސުލްޖުމްހުރިއްޔާ ޑރ. މުޙައްމަދު މުއިއްޒުއެވެ.
އެ ރަސްމިއްޔާތުގައި ބޭންކުގެ ޗެއާޕަރސަން އަޙްމަދު ޢަލީ ޙަބީބް އާއި ބޭންކުގެ ސީއީއޯ އެންޑް މެނޭޖިންގ ޑިރެކްޓަރގެ އިތުރުން ބޭންކުގެ އިސް އޮފިޝަލުން ބައިވެރިވެވަޑައިގެންނެވިއެވެ.
އެގޮތުން ރޭ އިފްތިތާހުކުރެވުނު 20 ރުފިޔާ އޭޓީއެމް ބަހައްޓާފައި ވަނީ ބޭންކުގެ ބްރާންޗްތައް މިހާރުވެސް ހިންގަމުންދާ ރަށްރަށުގައެވެ. 70 ރަށެއްގައި ބެހެއްޓި ޑޮލަރު އޭޓީއެމްތައް:
- ހއ. އަތޮޅުގައި 5 ޑޮލަރު އޭޓީއެމް
- ހދ. އަތޮޅުގައި 5 ޑޮލަރު އޭޓީއެމް
- ށ. އަތޮޅުގައި 4 ޑޮލަރު އޭޓީއެމް
- ނ. އަތޮޅުގައި 4 ޑޮލަރު އޭޓީއެމް
- ރ. އަތޮޅުގައި 6 ޑޮލަރު އޭޓީއެމް
- ބ. އަތޮޅުގައި 5 ޑޮލަރު އޭޓީއެމް
- ޅ. އަތޮޅުގައި 3 ޑޮލަރު އޭޓީއެމް
- ކ. އަތޮޅުގައި 10 ޑޮލަރު އޭޓީއެމް
- އއ. އަތޮޅުގައި 3 ޑޮލަރު އޭޓީއެމް
- އދ. އަތޮޅުގައި 6 ޑޮލަރު އޭޓީއެމް
- ވ. އަތޮޅުގައި 3 ޑޮލަރު އޭޓީއެމް
- ފ. އަތޮޅުގައި 1 ޑޮލަރު އޭޓީއެމް
- މ. އަތޮޅުގައި 3 ޑޮލަރު އޭޓީއެމް
- ދ. އަތޮޅުގައި 1 ޑޮލަރު އޭޓީއެމް
- ތ. އަތޮޅުގައި 4 ޑޮލަރު އޭޓީއެމް
- ލ. އަތޮޅުގައި 3 ޑޮލަރު އޭޓީއެމް
- ގއ. އަތޮޅުގައި 3 ޑޮލަރު އޭޓީއެމް
- ގދ. އަތޮޅުގައި 3 ޑޮލަރު އޭޓީއެމް
- ޏ. އަތޮޅުގައި 1 ޑޮލަރު އޭޓީއެމް
- ސ. އަތޮޅުގައި 5 ޑޮލަރު އޭޓީއެމް.
ރޭ އިފްތިތާހުކުރި އާ އޭޓީއެމްތަކާއެކު ރާއްޖޭގެ އެކި ކަންކޮޅުތަކަށް ފެތުރިފައިވާ ބީއެމްއެމްގެ އޭޓީއެމް ވިއުގަ އިތުރަށް ފުޅާވެ، ޖުމްލަ އޭޓީއެމްތަކުގެ އަދަދު 338 އަށް ވަނީ އަރައިފައެވެ.
