އެމެރިކާއާއި އިސްރާއީލް ގުޅިގެން އީރާނާ ދެކޮޅަށް ވަރުގަދަ މިލިޓްރީ ހަމަލާތަކެއް ދެމުން ގެންދަނީއެވެ. ބަހަނާ އަކީ އީރާނުގެ ނިއުކުލިއަރ ޕްރޮގްރާ ނުހުށްޓުވިގެން ކަމަށް ބަހަނާ ދައްކާފައި ވެއެވެ. ނަމަވެސް މިހާރު ބުނަނީ ރިޖީމް ޗޭންޖްކުރަން ޖެހިގެން ކަމަށެވެ.

އެއީ އީރާނުގެ ރައްޔަތުންނަށް ޑިމޮކްރެޓިކް މިނިވަން ސަރުކާރެއް ގައިމުކޮށް ދިނުމަށްޓަކާ ކަމުގައެވެ. އެންމެ ފުރަތަމަ ހަމަލާތައް އަމާޒުކޮށްފައިވަނީ ސުޕްރީމް ލީޑަރ އާޔަތު ﷲ އަލީ ޚާމަނާއިގެ ގަނޑުވަރު ހުރި ހިސާބަށެވެ. އެމެރިކާއާއި އިސްރާއީލުގެ ހަމަލާތައް ފަށާގަތްއިރު ސުޕްރީމް ލީޑަރ އޮފީހުގައި އިންނެވިކަން ނުވަތަ ނޫންކަން މިހާތަނަށް އެނގިފައެއް ނުވައެވެ. މިހާރު އެގުނުގޮތުގައި އެމަނިކުފާނުވަނީ އެޙަމަލާ ތަކުގައި ޝަހީދު ކޮށްލެވިފައެވެ. ފަހަކަށް އައިސް އާންމުކޮށް އެ މަނިކުފާނު ފެނިވަޑައިގަތުންވެސް ވަނީ ވަރަށް މަދުވެފައެވެ. އީރާނުގެ މީޑިއާއިން ޚަބަރުތަކަށް ބަލާއިރު އެ ގައުމުގެ ހުރިހާ ދިމާލަކަށް އެމެރިކާއާއި އިސްރާއީލުން ހަމަލާދެމުން އެބަ ގެންދެއެވެ. ހަމަ އެއާއި އެކު އީރާނުންވެސް ވަރުގަދަ ޙަމަލާތައް އިސްރާޢީލް އަށާއި އެމެރިކާ އަދި އިސްރާޢީލުގެ ގަލްފްގައިވާ މިލިޓަރީ ބޭސްތަކަށާއި އެހެނިހެން ތަންތަނަށް ދެމުން ގެންދަނީއެވެ. އެގޮތުން ބަޙުރެއިން، ކުވޭތު، ސަޢޫދީ، އަދި އިމެރެޓްސް ހިމެނެއެވެ. އީރާނުން ބުނާގޮތުގައި އެތަންތަނުގައިވާ ދުޝްމަނުންގެ މަރުކަޒްތަކަށް ބޮޑެތި ގެއްލުންތަކެއްވަނީ ދެވިފައެވެ. އެމެރިކާގެ ރައީސް ޑޮނާލްޑް ޓްރަމްޕް މީޑިއާއަށް ވިދާޅުވެފައިވަނީ އީރާނުން ނިއުކްލިއަރ މަޝްރޫއު ކުރިއަށް ގެންގޮސް އެމެރިކާއަށް ސީދާ ހަމަލާދެވޭ ވަރުގެ މިސައިލް ތައްޔާރުކުރަމުން ގެންދާތީވެ އެ ގައުމާ ދެކޮޅަށް ހަމަލާތައް ދޭން ފެށީކަމުގައެވެ. އެމެރިކާގެ ހަމަލާތައް ފެށުމުގެ ކުރިން ގިނަ އަދަދެއްގެ ފައިޓަރޖެޓްތައް ގަލްފް ސަރަހައްދަށް ޖަމާކޮށް އެއަރކްރާފްޓްކެރިއަރ އަބްރަހަމް ލިންކަންވެސް ވަނީ އެ ސަރަހައްދަށް ގެނެސްފައެވެ. އީރާނުން މިހާރު ބެލިސްޓިކް މިސައިލް އުފައްދަނީ ދަތުރުކުރާ ދުރުމިން ދެހާސް ކިލޯ މީޓަރުގެ ސަރަހައްދަކަށް ފައްތައިގެންނެވެ. އިރުމަތީ ޔޫރަޕްގެ ބައެއް ގައުމުތައް އެ ސަރަހައްދުގެ ތެރެއަށް ވަންނާނެއެވެ. އީރާނުގެ ނިއުކްލިއަރ މަޝްރޫގައި ހިމެނިފައިވާނެކަމަށް އެމެރިކާއިން ކިތަންމެ ވަރަކަށް ކަންބޮޑުވުން ހާމަކުރަމުން ދިޔަކަމުގައިވިޔަސް އީރާނުން އިންޓަރކޮންޓިނެންޓަލް ބެލެސްޓިކް މިސައިލް އުފައްދަމުން ގެންދާކަން މިހާތަނަށް ފަޅާއަރާފައެއް ނުވެއެވެ. ރައީސް ޓްރަމްޕް އަވަހާރަ ކޮށްލަން އީރާނުން ރާވަމުންގެންދާނަމަ އެ ގައުމު ދުނިޔޭގެ ޗާޓުން ފޮހެލާނެކަމަށް މިދިޔަ ޖެނުއަރީ މަހު ނިއުނޭޝަން އަށް ދިން އިންޓަރވިއު އެއްގައި ޓްރަމްޕް ވަނީ ވައުދާ ހުވާކޮށްފައެވެ. އިސްރާއީލުގެ ބޮޑުވަޒީރު ނަތަންޔާހޫ ބުނެފައިވަނީ އީރާނާދެކޮޅަށް އެމެރިކާއާއި ގުޅިގެން ދޭންފެށި މި ހަމަލާތަކުގެ ސަބަބުން ކުރިމަގުގައި އީރާނުން ކުރިމަތިކޮށްފާނެ ހުރިހާ ބިރުވެރިކަމަކަށް ނިމުން ގެނެވޭނެ ކަމަށެވެ. އަދި އީރާނުގެ ކަންތައްތައް ނިންމުމުގެ ބާރުވެރިކަން އެގައުމުގެ ރައްޔިތުންނަށް ލިބިގެންދާނެއެވެ. ހަނގުރާމައެއްގައި އެމެރިކާއަށްވެސް ގެއްލުންތެކެއްލިބި ގިނަ ބަޔަކު މަރުވުންވެސް އެކަށީގެންވާކަމަށް ރައީސް ޓްރަމްޕް އެއްބަސްވެ ވަޑައިގެންފައި ވެއެވެ. އީރާނުން ޑްރޯނާއި މިސައިލުން އިސްރާއީލަށް ރައްދު ހަމަލާ ދީފައިވާނެކަމަށް އީރާނުގެ އިންގިލާބީ ލަޝްކަރުން ބުނެފައިވެއެވެ. އެމެރިކާއާއި އިސްރާއީލުން އިރާނަށް ހަމަލާދޭންފެށިތާ މާގިނަ އިރުތަކެއް ނުވަނީސް އީރާނުގެ ރައްދު ހަމަލާތައް މަތަކުރަން އިސްރާއީލުގެ ދިފާއީ ނިޒާމް ތަކުން މަސައްކަތް ކުރަމުންގެންދަނިކޮށް އުތުރު އިސްރާއީލުގެ އެކި ހިސާބުތަކުން ބާރުގަދަ ގޮވުންތައް ގޮވަންފަށައިފިއެވެ. ހަމަލާތަކުގައި ލިބެމުންދާ ގެއްލުންތައް މިހާތަނަށް އެއްވެސް ފަރާތަކުން އަދި ހާމަ ނުކުރެއެވެ. އެހެންނަމަވެސް އިސްރާއީލުގެ ގިނަ ހޮސްޕިޓަލްތަކަކުން ނެރެގެން ސާރޖަރީއަށް ބޭނުންވާ މީހުން ބިންގަރާސްތަކުގެ ތެރެއަށް އުފުލަމުން ގެންދާކަން ވަނީ އެނގިފައެވެ. ތެހެރާނުގައިވެސް ބާރުގަދަ ގޮވުންތަކެއް ގޮވުމުގެ ސަބަބުން ޑައުންޓައުންގައި އިމާމް ޚުމޭނީގެ ގަނޑުވަރަށް ދާން އޮންނަ މަގު މިހާރު އޮތީ ބަންދުކޮށްފައެވެ. އަދި އިރާގުގެ ވައިގެ ސަރަހައްދު މިހާރު އޮތީ ބަންދުކޮށްފައިކަމަށް އެ ގައުމުގެ ޓްރާންސްޕޯރޓް މިނިސްޓްރީން ވަނީ އިއުލާންކޮށްފައެވެ. އީރާނާ އެއްބައިވަންތަކަން ހާމަކުރުމުގެ ގޮތުން އެމެރިކާއާއި އިސްރާއީލުގެ ވަސީލަތްތަކަށް ރެޑްސީގެ ތެރެއިން ކުރެވޭ ދަތުރުތަކަށް ހަމަލާދޭން ފަށާނެކަން ހޫތީ މުޖާހިދުން ވަނީ އިއުލާންކޮށްފައެވެ. ބަހްރައިންގައި ގާއިމްކޮށްފައިހުންނަ އެމެރިކާގެ ނޭވީންގެ 5 ވަނަ ފްލީޓަށް މިސައިލް ހަމަލާ ދީފައިވާ ކަމަށް އެ ގައުމުގެ ދާޚިލީ ވުޒާރާއިން ބުނެފައިވެއެވެ. އަދި ގައުމުގެ ރައްޔިތުން ހަމަހިމޭނުން ތިބުމަށް އަންގާފައި ވެއެވެ. ގަތަރުގެ އަލް އުދައިދު އެއާރބޭސްއަށް ހަމަލާތައް ކާމިޔާބުކަމާއެކު މައިތިރި ކޮށްފައިވާ ކަމަށް އެގައުމުގެ ދިފާއީ ވުޒާރާއިން ބުނެފައިވެއެވެ. އެހެންނަމަވެސް އެ ގައުމުގެ އެހެން ހިސާބުތަކުގައި ބާރުގަދަ ގޮވުންތައް ގޮވައިފާވާކަމަށް ޚަބަރުތަކުގައި ބުނެފައި ވެއެވެ. އިސްރާއީލުގައިވެސް މަގުތަކަށް މީހުން ނިކުމެ ނޫޅުމާއި ސްކޫލްތައް ބަންދުކުރަން އެގައުމުންވަނީ އަންގާފައެވެ.