މާލޭ ވޯޓަރ އެންޑް ސްވަރޭޖް ކޮމްޕެނީ (އެމްޑަބްލިޔުއެސްސީ)އިން މާލޭގައި 13،000 ޓަނުގެ 2، ފެން ތާނގީ ބެހެއްޓުމުގެ މަސައްކަތް ފަށައިފިއެވެ.

އެމްޑަބްލިޔުއެސްސީން މިއަދު ކުރި ޕޯސްޓެއްގައި ބުނީ މާލޭގައި ބަހައްޓާ 13،000 ޓަނުގެ ދެ ތާނގީ ބެހެއްޓުމުގެ މަސައްކަތުގެ ދަށުން ގްރައުންޑް ތައްޔާރުކޮށް އެކަމަށް ބޭނުންވާ ސާމާނު ގެނެސް ތައްޔާރުވެފައިވާ ކަމަށެވެ.
އެގޮތުން ފައުންޑޭޝަންގެ މައިގަނޑު މަސައްކަތްތަކަށް ތައްޔާރުވުމުގެ ގޮތުން ޓެސްޓް ޕައިލިންގެ މަސައްކަތްތައް މިހާރު ކުރަމުންދާކަމަށް އެމްޑަބްލިޔުއެސްސީގެ ޕޯސްޓުގައި ބުނެފައި ވެއެވެ.

މީގެ އިތުރުން އަލަށް ބަހައްޓާ 13،000 ޓަނުގެ މި ދެ ތާނގީއާއެކު 26،000 ޓަނުގެ ފެން ރައްކާކުރުމުގެ ގާބިލްކަން ލިބޭނެކަމަށް އެމްޑަބްލިޔުއެސްސީން ބުނެފައި ވެއެވެ.