އަންނަ އަހަރުން ފެށިގެން އެސްއެސްސީ އިމްތިޙާނުގައި ޤުރުއާން މާއްދާ ހިމެނުމަށް ތަޢުލީމީ ވުޒާރާއިން ނިންމައިފިއެވެ.
މިކަން އިޢުލާންކުރައްވާފައި ވަނީ، ދިރާސީ އާ އަހަރު ފެށުމާ ގުޅިގެން ތަޢުލީމީ ވަޒީރު ޑރ. އިސްމާޢީލް ޝަފީޢު ދެއްވި ޚިޠާބުގައެވެ.
އެމަނިކުފާނު ވިދާޅުވީ މިއީ ޤުރުއާނާއި ޤުރުއާނުގެ ޢިލްމަށް ދަރިވަރުންގެ ހިތުގައި ލޯބި ޖެއްސުމުގެ މަގުސަދުގައި ނިންމެވި ނިންމެވުމެއް ކަމަށެވެ.
2027ވަނަ އަހަރު ބާއްވާ އެސްއެސްސީ އިމްތިޙާނުގައި ޤުރުއާން މާއްދާ ހިމެނުމަށް ނިންމާފައިވާއިރު، މަޖުބޫރު މާއްދާތަކުގެ ގޮތުގައި ދިވެހި ބަހާއި އިސްލާމް މާއްދާ އޮތް އޮތުން މިހާތަނަށް އޮތީ އިޚްތިޔާރީ ކަމަކަށް ބަދަލުކޮށްފައެވެ.
