ކޮޅުވެއްޓިއެއް ބަންޑުންޖަހާލައި ރޭ ހިނގި ހާދިސާގައި ގެއްލުނު ތިން މީހުންގެ ތެރޭން ދެވަނަ މީހާ ނިޔާވެފައި އޮއްވާ ފެނިއްޖެއެވެ.
އެމްއެންޑީއެފުން މަޢުލޫމާތު ދިންގޮތުގައި، ގެއްލިގެން ހޯދަމުން ދަނިކޮށް އޭނާގެ ހަށިގަނޑު ފެނިފައިވަނީ މިއަދު 15:45ހާއިރުއެވެ.
މި ހާދިސާގައި ގެއްލުނު ތިން މީހުންގެ ތެރޭން އަޙްމަދު ޝިފާން، ސަރުސޫނުގެ / ގއ. ދާންދޫ ފެނިފައިވަނީ މިއަދު ހެނދުނުގެ ވަގުތެއްގައި، ކަނޑު އަޑީގައި ނިޔާވެފައި އޮއްވައެވެ.
އޭނާއާއެކު ދެން ގެއްލިފައިވަނީ އިންޑިއާ މީހަކާއި ޝްރީލަންކާ މީހެއް ކަމަށް މަޢުލޫމާތު ލިބެއެވެ.
މާލޭން ފުރައިގެން ދަތުރުކުރަނިކޮށް ”އަލްމާކް ފިޔަ“ ނަމަކަށްކިޔާ މި ކޮޅުވެއްޓީގައި ޖުމްލަ ހަތް މީހުން ތިބި ކަމަށާއި، ގެއްލުނު ތިން މީހުން ފިޔަވައި ދެން ތިބި މީހުން ކޯސްޓުގާޑުގައި ޅ. ނައިފަރަށް ގެންގޮސްފައިވާކަމަށް އެމްއެންޑީއެފުން ކުރިން ވަނީ ބުނެފައެވެ.
