ހުޅުމާލެއިން ދިވެހި ފިރިހެނަކު ގެއްލިގެން ހޯދަން އިއުލާނުކޮށްފިއެވެ.
ގެއްލިގެން ހޯދަން އިއުލާނުކޮށްފައި ވަނީ ހުޅުމާލެ/ އެމްޕީއެލް ޓަވަރުގައި ދިރިއުޅެމުން އަންނަ ޏ. ފުވައްމުލައް، ދޫޑިގަން ފަސީޙްއާބާދު، އުމުރުން 41 އަހަރުގެ މަސީޙް ޢަބްދުލް ޙަކީމެވެ.
ފުލުހުން މިއަދު ބުނީ އޭނާގެ އާއިލާއަށް ޚަބަރެއްނުވެ ގެއްލިފައިވާ ކަމަށް މިމަހުގެ 25 ވަނަ ދުވަހުގެ ރޭ ފުލުހުންނަށް ރިޕޯޓް ކުރުމުން އޭނާ ހޯދުމުގެ މަސައްކަތް ކުރަމުންދާ ކަމަށެވެ.
އަދި އޭނާގެ ޚަބަރެއް އާއިލާއަށް އެންމެފަހުން ވެފައި ވަނީ މި މަހުގެ 20 ވަނަ ދުވަހު ކަމަށް އާއިލާއާ ހަވާލާދީ ފުލުހުން ހާމަކޮށްފައި ވެއެވެ.
މަސީޙް ޢަބްދުލް ޙަކީމްއާ ބެހޭ އެއްވެސް މައުލުމާތެއް ލިބިފައިވާނަމަ ފުލުހުންގެ ހޮޓްލައިން ނަންބަރު 3322111 ނުވަތަ ހުޅުމާލެ ފޭސް 2 ޕޮލިސް ސްޓޭޝަންގެ ނަންބަރު 9393351 އަށް ގުޅައި ހިއްސާކުރުމަށް ފުލުހުން ވަނީ އެދިފައެވެ.
