ރާއްޖޭގައި ރޫހާނީ ފަރުވާގެ ހިދުމަތްތަކެއްދޭ ކަމަށް އިސްތިހާރުކުރި ބިދޭސީ ބަޔަކު އިމިގްރޭޝަނުން ހިފަހައްޓައިފިއެވެ.
އިމިގްރޭޝަނުން ދެންމެ ކުރި ޕޯސްޓެއްގައި ބުނީ ރާއްޖޭގައި ފާލުބެލުމުގެ ހިދުމަތް ދިނުމަށް ސޯޝަލް މީޑިއާގައި އިޝްތިހާރު ކުރި 3 ބިދޭސީއަކު މޯލްޑިވްސް އިމިގްރޭޝަނުން އިއްޔެ ހިފަހައްޓާފައިވާ ކަމަށެވެ.
އެއީ އިންޑިއާއަށް ނިސްބަތްވާ އުމުރުން 18 އަހަރާއި 25 އަހަރާއި 39 އަހަރުގެ 3 ފިރިހެނުންނެވެ.
އަދި އެ މީހުން ހިފަހައްޓާފައި ވަނީ އެ މީހުންނަށް ދޫކޮށްފައިވާ ވިސާއާ ހިލާފުވެގެން ކަމަށް އިމިގްރޭޝަނުން ބުނެފައި ވެއެވެ.
އެހެންކަމުން އެ މީހުން ޑީޕޯޓުކުރުމުގެ މަސައްކަތް ކުރަމުން އަންނަކަމަށް އިމިގްރޭޝަނުން ބުނެފައި ވެއެވެ.
