އދ. އަތޮޅު ރިސޯޓެއްގެ ކައިރީގައި އޮތް ސަފާރީއަކުން ދިވެހި ފިރިހެނަކު ކަނޑަށް ވެއްޓި ގެއްލިގެން ހޯދަން ފަށައިފިއެވެ.
ފުލުހުން މިއަދު ބުނީ ގެއްލިގެން ހޯދަމުން ދަނީ ނ. ހޮޅުދޫ ސީވީޑް އަލީ އަރުޝަދު ކަމަށެވެ.
ސަފާރީގެ ސީސީޓީވީ ފުޓޭޖުން ރޭގެ ވަގުތެއްގައި ސަފާރީގެ ޑެކްމަތީ އޭނާ ހުއްޓާ ވެއްޓި ސަފާރީގެ އަރިމަތީ ޖެހިފައި މޫދަށް ވެއްޓޭ މަންޒަރު ސަފާރީގެ ސީސީޓީވީ ފުޓޭޖުން ފެނިފައިވާ ކަމަށް ފުލުހުން ހާމަކުރެއެވެ.
އެމްއެންޑީއެފް އިން ބުނީ އޭނާ ކަނޑަށް ވެއްޓިފައި ވަނީ މިރިހި އައިލެންޑް ރިސޯޓް ކައިރީގައި އޮތް ”ނޯތު 07“ ސަފާރީން ކަމަށެވެ.އެހެންކަމުން އެ ކަމުގެ މަޢުލޫމާތު އެމްއާރުސީސީއަށް ލިބުމާ ގުޅިގެން، ޑައިވަރުންގެ ޓީމަކާއެކު ސަފާރީ އޮތް ސަރަހައްދަށް ދިއުމަށް މާލޭ އޭރިއާ ކޯސްޓްގާޑް ސެކަންޑް ސްކޮޑްރަން އިން ދަނީ ދަތުރުފަށާފައިވާ ކަމަށް އެމްއެންޑީއެފުން މިއަދު ބުނެފައި ވެެެެއެވެ.
