ސޯމާލިއާ ބަޔަކު ދަތުރު ކުރަމުން ދިޔަ ޑިންގީއެއް ރާއްޖެ ސަރަހައްދުން އަތުލައިގެންފިއެވެ.
އެމްއެންޑީއެފުން ދެންމެ ބުނީ ސޯމާލިއާ މީހުން ކަމަށް ޝައްކުކުރެވޭ ތިން މީހުން ތިބި ޑިންގީއެއް ފުވައްމުލައް ސިޓީ ހުޅަނގު އުތުރުން 10 ވަރަކަށް މޭލު ބޭރުން ފެނިފައިވާ ކަމަށެވެ. އެގޮތުން އެ ޑިންގީ ވަނީ އެމްއެންޑީއެފް ކޯސްޓުގާޑުގެ ބެލުމުގެ ދަށައް ގެނެސްފައި ކަމަށް އެމްއެންޑީއެފުން ބުނެފައި ވެއެވެ.
އަދި އެމްއެންޑީއެފްގެ ސަދަން އޭރިއާ ކޮމާންޑުގެ ކޯސްޓްގާޑު ފޯތު ސްކޮޑްރަންގެ ހާބާ ޕެޓްރޯލުން އެ ސަރަހައްދަށް ގޮސް ބެލިބެލުމުން، މި ޑިންގީއަކީ ސޯމާލިއާގެ މީހުން ބޭނުންކުރާ ވައްތަރުގެ ”ސްކިފް“ އެއްކަން އެނގިފައިވާ ކަމަށް އެމްއެންޑީއެފުން ހާމަކުރެއެވެ.
