”ޗައިލްޑް އެބިއުސް“ ނުވަތަ ކުދިންނަށް އިހާނެތިކޮން ހިތުމުގެ އާދަޔާ ޚިލާފް ހާދިސާއެއްގައި އިންގްލަންޑަށް ނިސްބަތްވާ އަންހެނަކަށް ޖަލު އަދަބު ދީފިއެވެ. ބުދަދުވަހު ވިއޯން ޗެނެލްގައި ހާމަ ކޮށްފައިވާ ހަބަރެއް ބުނާގޮތުން އެއަންހެންމީހާ ވަނީ އޭނާގެ އަންހެން ދަރިފުޅަކު ތިންއަހަރު ވަންދެން ވަތް ގަޑެއްގެ ތެރޭގައި ގެންގުޅެފައެވެ.
ކުއްޖާ ލައިގެން ގެންގުޅުނީ އެނދު ތަކުގަ ހުންޒާތުގެ ވަތްގަނޑަކަށެވެ. އޭނާ މިގޮތަށް ކަންތައް ކުރިކަމަށް ވަނީ އޭނާގެ ބައިވެރިޔާ އަދި ދެންތިބި ތިން ކުދިންނަށް ކުއްޖާ ހުރިކަން ސިއްރު ކުރުމަށް ކަމަށް ވެއެވެ.
ޑެއިލީ މެއިލްއާއި ހަވާލާދީ ވިއޯން ޗެނެލް ގައި ބުނެފައިވާ ގޮތުން އެކުޑަ ކުއްޖާޔަށް އިރުގެ އަލިކަން ދުވަހަކުވެސް ފެނިފައެއް ނުވެއެވެ.އަދި ތާޒާވައިވެސް ލިބިފައެއް ނުވެއެވެ.ކުއްޖާ އޮންނަކަން ފުރަތަމަވެސް އިނގިފައިވަނީ އޭނާގެ ތިންވަނަ އުފަން ދުވަހަށް ތިންހަފްތާޔަށް ކައިރިވެފައި ވަނިކޮށް، ފާހާނާޔަކަށް ދާންޖެހިގެން ނުގަޑިއެއްގައި ގެޔަށް އާދެވުނު އަންހެންމީހާގެ ބައިވެރިޔާއަށެވެ. އޭރު އަންހެން މީހާ ގޭގައި ނޫޅޭ ކަމަށް ވެއެވެ. އަދި ކުއްޖާ ވަތްގަނޑުގައި އޮއްވާ ފިރިހެންމީހާ އަށް ”އެކްސިޑެންޓަކުން“ ފެނިފައިވާ ކަމަށްވެއެވެ.
އުމުރުން ތިން އަހަރު ފުރެންދާ މިތުއްތު ކުޖާވަނީ ހަށިގަޑަށް ބޭނުންވާ ކާނާ ނުދިނުމުގެ ސަބަބުން ބޮޑު ނުވެފައެވެ.އަދި ހީވަނީ ހަތްމަހަށް ދާ ކުއްޖެއްހެން ކަމަށް ރިޕޯޓް ބުނެއެވެ.އަންހެންމީހާ ކުއްޖާއަށް ކާންދެނީ ދިޔާކޮން ހުންނަ މިލްކީ ވީޓްބިކްސް ކަހަލަ އެއްޗެތި ސިރިންޖުން ކަމަށް ވެއެވެ. އެހެން ކުދިން ސްކޫލް އަށް ގެންދާއިރު އާއި އޭނާ މަސައްކަތަށް ދާއިރު އެކުޑަކުއްޖާ އެކަނި ގޭގައި ބާއްވާފައި ދާކަމަށް ވެއެވެ.އަދި ކްރިސްމަސް ޗުއްޓީއެއްގައި އަމިއްލަ އާއިލާ ކައިރިޔަށް ދިޔަ ފަހަރަކުވެސް އެކުއްޖާއެކަނި ބާއްވާފައިދިޔަ ކަމަށް ވެއެވެ.އެކަނި ހުރިހާކަމެއް ކުރަން ދޫކޮށްފައިދާއިރު ކާނެ ބޯނެ އެއްޗެއް ނެތިވެސް ގިނަ އިރުތަކެއްވަންދެން ކުއްޖާ ދޫކޮށްލާކަމަށްވެއެވެ.
އެކަނި ގިނަވަގުތުތައް ހޭދަކުރަން ޖެހިފައިވި މިކުއްޖާގެ ނަމުން ގޮވީމަވެސް އަޅާނުލާ ކަމަށް ވެއެވެ. ކުއްޖާ ފެނުނު އިރު އިސްތަށިކޮޅުވެސް ވަނީ ތަރަފާލު ހެން ތަތް ވެފައިކަމަށާ މުޅިގައިގަ ރޭޝް ނުވަތަ ފާރު ހުރި ކަމަށް ވެއެވެ. މީގެ އިތުރުން ތަޅި އުފެދުން ފުރިހަމަ ނުވެހުރިކަމަށާ އެހެންވެސް ސިއްހީ މައްސަލަތައް ވެސް ހުރި ކަމަށް ވެއެވެ.އެހެން ނަމަވެސް މިއަންހެންމީހާ ދުވަހަކުވެސް ކުއްޖާ ޗެކް ކުރުމަށް އެއްވެސް ޑޮކްޓަރަކަށް ދައްކާފަ ނުވާ ކަމަށް ވެއެވެ.
އަންހެންމީހާގެ އިހާނެތި އަމަލުތަކަށް އޭނާ ކޯޓުގައި އެއްބަސްވެފައި ވާކަމަށް ވެއެވެ. އަދި ހަތްއަރާ ހަމަސްދުވަހަށް ޖަލަށް ލުމަށް ވަނީ މިހާރު ހުކުމް ކޮށްޖަލަށްލާފައެވެ.
އިގިރޭސިބަހުގައި ”ސްޓާވް“ ކުރުމަކީ ކާންނުދީ ބަނޑަށް މެރުން ކަމަށްވާއިރު، އަންހެންމީހާގެ މައްސަލަ ބެލި ކޯޓުގެ ފަޑިޔާރު އޭނާއާދިމާއަށް ބުނި ކަމަށްވަނީ އޭނާ އެތުއްތު ކުއްޖާ ”ސްޓާވް“ ކޮށްފައިވަނީ ހަމައެކަނި ކާބޯތަކެތިން ނޫން ކަމަށާ ލޯތްބާއި،އޯގާތެރިކަމާއި ސަމާލުކަން ދިނުމާއި،އެހެން މީހުންނާ ބައްދަލުވެ އުޅުމުގެ ފުރުސަތު ގެ އިތުރުން ބޭސްފަރުވާއިންވެސް އެކުއްޖާ ”ސްޓާވް“ ކޮށްފައިވާ ކަމަށެވެ. އަދިކުއްޖާއަކީ ވިސްނުންތޫނު ކުޖެއްކަމަށާ ދިރިހުރި މަރެއްފަދަ ހާލަތުން މަޑުމަޑުން ސަލާމަތް ވަމުން އަންނާނެކަމަށް އުންމީދު ކުރެވޭ ކަމަށް ފަޑިޔާރު ބުނެފައި ވެއެވެ.
