ވަރަށް ރީތިކޮށް ހެދުން އަޅާފަ ހުރި،ވަރަށް މުއްސަނދި ވައްތަރުޖަހާ ފިރިހެނަކު އެއްދުވަހަކު ރެސްޓޯރަންޓަކަށް ދިޔައެވެ.އޭނާޔާއެކު ފުރިހަމަޔަށް ބޮޑުވެފައިވާ،އިސްކޮޅުން ދިގު އޮސްޓްރިޗެއް ވެސް ގޮސް ރެސްޓޯރަންޓަށް ވަނެވެ.
މިމީހާ ގޮސް މޭޒެއް ކައިރީ އިށީނުމަށްފަހު އޭނާބޭނުން ކާއެއްޗަކަށް އޯޑަރު ދިނެވެ.ބާގާ އަކާއި ފްރައީސް އަދި ކޯކެއް ގެނެސް ދިނުމަށް އެދުނެވެ.އެއަށްފަހު އޮސްޓްރިޗް އާއި ދިމާލަށް ބަލާލަމުން ބުންޏެވެ.ކަލޭ ބޭނުމީ ކޮން އެއްޗެއްހެއްޔެވެ. މިހެން ބުނުމުން އޮސްޓްރިޗް ބުންޏެވެ.އަހަރެންވެސް ބޭނުމީ ބާގާއަކާއި ފްރައީސް އަދި ކޯކެކެވެ.
ވެއިޓަރު ވަރަށް އަވަހަށް އޯޑަރު ގެނެސް ދިނުމުން ކައި ނިންމާލުމުން ވެއިޓަރު ބުންޏެވެ.ބިލަށް އެރީ 9 ޑޮލަރު 40 ސެންޓެވެ. މިހެން ބުނުމުން އެމީހާ ޖީބަށް އަތްކޮށްޕާލުމަށްފަހު ހަމަ އެއަދަދަށް ފައިސާނެގިއެވެ.
ދެވަނަ ދުވަހަކުވެސް އެއްކަލަ މީހާ ހަމަ އެރެސްޓޯރަންޓަށް ދިޔައެވެ.އެކުގައި އޮސްޓްރިޗްވެސް ދިޔައެވެ.މިދުވަހުވެސް އޯޑަރު ދިނީ ހަމަ ބާގާ އަކާއި ފްރައީސް އަދި ކޯކެއް ގެނެސް ދިނުމަށެވެ. އޮސްޓްރިޗް ވެސް ބޭނުންވީ މީހާދިން އޯޑަރެވެ. އެދުވަހުވެސް ޖީބަށް އަތްކޮއްޕާލުމަށްފަހު ނެގީ ހަމަ 9 ޑޮލަރު 40 ސެންޓެވެ.
މިހެން ދެތިން ދުވަސް ދިއުމަށްފަހު އެއްދުވަހަކު ދިން އޯޑަރު ބަދަލު ކޮށްލިއެވެ.ސްޓޭކް އަކާއި ބޭކްޑް ޕޮޓޭޓޯ އަދި ސެލެޑެއް ގެނެސް ދިނުމަށް އެދުނެވެ.އޮސްޓްރިޗް ވެސް ބޭނުންވީ ހަމަ އެކެއުމެވެ. ކައިނިމުމުން ބިލް ހިފައިގެން އައިސް ވެއިޓަރު ބުންޏެވެ. ބިލަށްއެރީ 32ޑޮލަރު 62 ސެންޓެވެ. އެމީހާ ޖީބަށް އަތް ކޮއްޕާލުމަށްފަހު އެއަދަދަށް ފައިސާނެގިއެވެ.
މިމަންޒަރު ބަލަން ހުރެފަ ވެއިޓަރަށް އިތުރަށް ކެތެއް ނުކުރެވުނެވެ.އަދި ސުވާލު ކުރިއެވެ. ކޮންމެ ދުވަހަކު ބިލަށް އަރާ ސީދާ އަދަދު ޖީބަށް އަތް ލާފަ ނަގަނީ ކިހިނެއް ހެއްޔެއްޔެވެ؟މިހެން އެހުމުން އެމީހާ ބުންޏެވެ. މިވާގޮތަކީ،މީގެ އަހަރުތަކެއް ކުރިން ގޭގަ ހުންނަ ގުދަން ކޮޓަރިއެއް ސާފުކުރަން އަހަރެން އުޅުމުގެ ތެރޭގައި އަހަރެންނަށް ފާޑެއްގެ ތުންގަނޑެއްލާފައިވާ ބައްތިއެއް ފެނުނެވެ.އަހަރެން އެބައްތި ސާފުކޮށްލުމުގެ ގޮތުން އޭގައި އަތް ކާއްތާލިތަނާ އެއިން ބޮޑު ޖިންނިއެއް ނިކުތެވެ.އަދި އަހަރެން ބޭނުން ދެކަމެއް ކޮށްދޭނެ ކަމަށް ބުންޏެވެ.
އަހަރެންގެ ފުރަތަމަ އެދުމަކަށްވީ އަހަރެން ކޮންމެ އެއްޗެއް ގަންނަންވިޔަސް އަދި ކޮންމެ ކަމެއް ކުރަންބޭނުންވިޔަސް އެކަމަކަށް ބޭނުންވާ ފައިސާ އަހަރެން ޖީބަށް އަތްލާއިރު ޖީބުގައި ހުރުމެވެ. މިހެން ބުނުމުން ވެއިޓަރު ބުންޏެވެ.ތިޔައީ ހާދަ ފައްކާ ގޮތެކެވެ.ގިނަ މީހުން އެދެނީ މިލިއަން ޑޮލަރަށް ނަމަވެސް އެކަހަލަ އެއްޗަކަށެވެ.އެކަމަކު ތިޔައީ މާރަގަޅު ގޮތެކެވެ.ދުނިޔޭގައި ހުރިހާ ދުވަހަކު ބޭނުން ހުރިހާކަމެއް ކުރެވި ބޭނުން ތާކަށް ދެވޭނެ ތާއެވެ. މިހެން ބުނުމުން އެމީހާ ބުންޏެވެ.އާނއެކެވެ.ކިރު ޕެކެޓަކުން ފެށިގެން ރޯލްސްރޮއިސް ކާރެއް ނަމަވެސް އަހަރެން ބޭނުން ކޮންމެ އެއްޗެއް ގަނެވެއެވެ.
ވެއިޓަރު ދެން ސުވާލު ކުރިއެވެ. ކައިރީގަ ތިޔަ ގެންގުޅޭ އޮސްޓްރިޗް ގެ ސިއްރަކީ ކޮބާހެއްޔެވެ. މިހެން ބުނީމަ އެމީހާއިރުކޮޅަކު މަޑުކޮށްލާފަ ފުންމާނޭވާއެއް ލުމަށްފަހު ބުންޏެވެ.އަހަރެންގެ ދެވަނަ އެދުމަކީ އަހަރެންނާ ދުވަހަކުވެސް ދެބަސްނުވާނެ ކަރުދިގު،ދެފައިދިގު، ބޮޑު ބުޑެއްލާފައިވާ ”ދޫންޏެއް“(އަންހެނެއް) ދިނުމެވެ.
