ވަރަށް ފުޅާ ދާއިރާއެއްގައި ހިންގަމުން އައި ”ޗައިލްޑް ޕޮނޮގްރަފީ“ ވެބްސައިޓެއް ހިންގަމުން އައި 6މީހުން ޖަރުމަނު ފުލުހުން ހައްޔަރުކޮށްފިއެވެ. ފުލުހުން ނެރުނު ބަޔާނެއް ބުނާގޮތުން ހައްޔަރު ކުރެވުނު،އުމުރުން 43އަހަރާއި 69 އަހަރާދެމެދުގެ ހަމީހުންނަކީ މިއަނދިރި ޕްލެޓްފޯމް ހިންގުމުގެ ފަހަތުގައި ވާ ހަމީހުންނެވެ.

ކުޑަ އަންހެން ކުދިންގެ ބަރަހަނާ ފޮޓޯއާއި ވީޑިއޯ ފެތުރުމަށް ޚާއްސަ މިވެބްސައިޓް،އެތައްސަތޭކަ ހާސް މީހުން ބޭނުން ކުރަމުންދާކަމަށް ފުލުހުން ބުނެފައި ވެއެވެ.
ހަމީހުން ހައްޔަރުކުރީ ވަރަށް ގިނަތަންތަން ރެއިޑް ކުރުމަށްފަހު ކަމަށާ އެމީހުން އަތުން ވަރަށް ބައިވަރު ފޮޓޯ އާއި ވީޑިއޯ ގެ އިތުރުން ކޮމްޕިއުޓަރު، ލެޕްޓޮޕް ފަދަ ތަކެތި އަތުލާފައިވެއެވެ.ހިފެހެއްޓި ތަކެތީގެ ތެރޭގައި 94 ފޮށީގައިވާ ވީޑިއޯ ކެސެޓް އަދި ޑީވީޑީ ހިމެނެއެވެ.
ފުލުހުން މައުލޫމާތު ދީފައިވާ ގޮތުގައި އެތަނުން އެކަކުގެ ކޮމްޕިއުޓަރު ގައި 13.5ޓެރަބައިޓް ބަރަހަނާ ޑޭޓާ އެބަހުއްޓެވެ.މިއީ ގާތްގަޑަކަށް 3.4 މިލިއަން ފޮޓޯގެ ޖާގަކަމަށް ފުލުހުން ބުނެފައިވެއެވެ.
މިކަމާ ގުޅިގެން ޗީފް އިންވެސްޓިގޭޓަރ ހާމަ ކޮށްފައިވާ ގޮތުގައި އެކުޖުމްލަ އެއްހާސް ޓެރަބައިޓްގެ ޑޭޓާ މިވެބްސައިޓުން އުފައްދާ ބަހާފައި ވެއެވެ.
މިކަމާ ގުޅިގެން ރީޖަނަލް އިންޓީރިއަރ މިނިސްޓަރ ވިދާޅުވެފައިވާ ގޮތުގައި މިމައްސަލައިގެ ތަހުގީގު ހިންގަންޖެހޭލެއް ފުޅާކަމުން ބޮލަށް އެނބުރުން އަރާވަރުވެއެވެ.ލޯ އެންފޯސްމަންޓުން މިހިންގާ އޮޕަރޭޝަން ގެ ސަބަބުން މިފަދަ ކަންތައް ކުރާ މީހުންނަށް ދާއިމީ އަސަރެއް ކުރާނެކަމަށްވެސް ވިދާޅުވެފައި ވެއެވެ.
ހައްޔަރު ކުރެވުނު މީހުން ނާއިބެހޭ ތަހުގީގުތައް ބައިނަލްއަގްވާމީ ފަރާތްތަކުންވެސް ހިންގަމުން ދާކަމަށް ވެއެވެ.