އިންސާނީ ވަގުފާރީގެ މައްސަލަތައް ރިޕޯޓްކުރުމަށް ޚާއްސަ ފޯން ލައިނެއް ތައާރަފްކޮށްފިއެވެ. މި ލައިން ތައާރަފްކޮށްފައި ވަނީ އިއްޔެ ފާހަގަކުރި އިންސާނީ ވަޤުފާރިއާ ދެކޮޅަށް މަސައްކަތްކުރާ ދުވަސް ފާހަގަކުރުމަށް ބޭއްވި ރަސްމިއްޔާތުގައެވެ.
މި އަހަރު ކަނޑައަޅާފައިވާ ޝިޢާރަކީ ”މީހުން އިންސާނީ ވަގުފާރިކުރުން ހުއްޓުވުމަށްކުރާ މަސައްކަތުގައި އެއްވެސް ކުޑަކުއްޖަކު އިސްތިސްނާ ނުކުރުން“ މިއެވެ. މި ރަސްމިއްޔާތުަ ޝަރަފުވެރިކޮށްދެއްވާ ވާހަކަދައްކަވަމުން ދާޚިލީ ސަލާމަތާއި ފަންނިއްޔާތާބެހޭ ވަޒީރު ޢަލީ އިޙްސާން ވިދާޅުވީ ހިއުމަން ޓްރެފިކިން އަކީ ނުރައްކާތެރި ކުށެއް ކަމަށެވެ.
އެހެންކަމުން އެ ކުށް ހުއްޓުވަންޖެހޭކަން ފާހަގަކުރައްވާ ވަޒީރު ވިދާޅުވީ މިކަމާ ދެކޮޅަށް މަސައްކަތް ކުރާނެ މީހުން ބިނާކުރުމާއި، އާންމުން ހޭލުންތެރިކުރުވަން ޖެހޭ ކަމަށެވެ. ހަމައެހެންމެ މި ކުށުގެ ޝިކާރައަށްވާ މީހުންނަށް ކުށް ރިޕޯޓުކުރެވޭނެ ފޯން ލައިނެއް ގާއިމުކުރަންޖެހޭ ކަމަށްވެސް އިހްސާން ވިދާޅުވި އެވެ.
އެގޮތުން ހިއުމަން ޓްރެފިކިންގެ ކުށުގެ ޝިކާރައަށްވާ މީހުންނަށް އެ ކުށް ރިޕޯޓުކުރެވޭނެ ގޮތަށް ފޯންލައިނެއް ވަނީ ތައާރަފްކޮށްފައެވެ. އެ ފޯން ލައިންގެ ނަންބަރަކީ 9193939އެވެ.
މީގެ އިތުރުން މިރަސްމިއްޔާތުގައި ވާހަކަދައްކަވަމުން މިނިސްޓަރު އިހްސާން ވިދާޅުވީ މި ކުށުގެ ޝިކާރައަކަށްވާ މީހުންގެ މައްސަލަތަކުގެ ދައުވާކުރުމުގެ މަރުހަލާއާއި ޝަރީއަތުގެ މަރުހަލާތައް އަވަސްކުރެވޭނެ ގޮތްތައް ހޯދައި ބަލަމުން އަންނަ ކަމަށާ މިފަދަ މައްސަލަތަކަށް ސަރުކާރުން ޚާއްސަ އިސްކަމެއްދޭ ކަމަަށެވެ.
One Response
އެކެއް ޖައްސަވާ……….ދޭއް ޖައްސަވާ!!!!ބޭކާރު