މެންދުރު ނަމާދު ވަގުތަށް ރައްޔިތުންގެ މަޖިލީހުގެ ޖަލްސާތައް މެދުކަނޑާލަން ޖެހޭގޮތަށް މަޖިލީހުގެ ގަވާއިދުގައި ހިމަނައިފި އެވެ.
މަޖިލީހުގެ ޖަލްސާތައް މެދުކަނޑާލަން ނިންމާފައި ވަނީ މެންދުރު 12:00 އިން މެންދުރުފަހު 1:00 އަށެވެ.
މިކަންހާމަކޮށް މަޖިލީހުގެ ރައީސް އަބްދުއްރަހީމް އަބްދުﷲ ވިދާޅުވީ ރައްޔިތުންގެ މަޖިލީހުގެ ޖަލްސާތައް މެންދުރު ނަމާދާ ދިމާކޮށް 12:00 އިން މެންދުރުފަހު 1:00 އަށް މެދުކަނޑާލުމަށް ގަވާއިދުގައި ހިމަނާފައިވާނެ ކަމަށެވެ.
މީގެ ކުރިން ނަމާދުގެ ވަގުތަށް ޖަލްސާ މެދުކަނޑާލަނީ މެންދުރު 12:30 އިން މެންދުރު ފަހު 1:00 އަށެވެ. ނަމާދު ވަގުތަށް މަޖިލީހުގެ ޖަލްސާތައް މެދުކަނޑާލަން ޖެހޭގޮތަށް ގަވާއިދުގައި ހިމެނުމުގެ އިތުރުން އަބްދުއްރަހީމް ރިޔާސަތުގައި އިންނަވާ މީގެ ކުރިން ވަނީ އެ ވަގުތާ ދިމާކޮށް ޖަލްސާތައް މެދުކަނޑާނުލެވޭތީ އެ ވަގުތާ ދިމާކޮށް މަޖިލީހުގެ ތަޅުމުގައި ބަންގީގެ އަޑުވެސް އިއްވާފަ އެވެ.
