އދ. ދަނގެތީ ކައިރީގައި މޫދަށް ފައިބައިގެން އުޅުނު ބިދޭސީއެއްގެ ގައިގައި ލޯންޗަކުން ޖެހި މަރުވެއްޖެ އެވެ.
ފުލުހުން ބުނީ ދަނގެތި ކައިރިއަށް ފާނަ މަސްވެރިކަމަށް ފައިބާ އުޅުނު މީހެއްގެ ގައިގައި ލޯންޗަކުން ޖެހިފައިވާ ކަމުގެ މަޢުލޫމާތު ލިބިފައި ވަނީ ހެނދުނު 07:55 ހާއިރު ކަމަށާއި ލޯންޗުގައި ޖެހުނު މީހާ އެ ރަށު ސިއްޙީ މަރުކަޒަށް ގެންދިޔައިރުވެސް މަރުވެފައިވާ ކަމަށެވެ.
މި ހާދިސާގައި މަރުވި ބަންގްލަދޭޝް މީހާ އަކީ ފ. ފީއަލީ ފާނާ މަސްވެރިކަންކުރާ ދޯންޏެއް ކަމަށްވާ ”ޓްވިންސް“ ދޯނީގައި ބަޔަކާއި އެކު މަހަށް ނިކުމެ އުޅުނު މީހެއެވެ.
މިގޮތުން އެ މީހާ ގައިގައި ޖެހުނީ މާމިގިލިން މާލެއަށް ދަތުރުކުރި ލޯންޗަކުން ކަމަށާއި ޒަހަމްވި ބިދޭސީ މީހާ ނެގީ އެހެން ލޯންޗަކުން ކަމަށް މަޢުލޫމާތު ލިބިފައި ވެއެވެ.