މާލޭގެ އެޕާޓުމެންޓެއްގެ ތެރޭގައި މަރުވެފައި އޮއްވާ އިއްޔެ ފެނުނު ފިރިހެން މީހާގެ ޕޯސްޓުމޯޓަމް ހަދަން ނިންމައިފިއެވެ.
މަރުވެފައި އޮތް މީހެއްގެ ހަށިގަނޑު ފެނިފައި ވަނީ ފުލުހުންނަށް ލިބުނު މައުލޫމާތަކާއި ގުޅިގެން ބަނޑޭރިކޮށީގެ އެޕާޓްމެންޓެއް ބަލައި ފާސްކުރުމުންނެވެ.
މީހުން ދިރިނޫޅ،ޭ ހުސްކޮށްފައިވާ އެޕާޓްމަންޓަކުން ނިޔާވެފައި އޮއްވާ ފެނިފައި ވަނީ އުމުރުން 30 އަހަރުގެ ދިވެހި ފިރިހެނެއް ކަމަށް ފުލުހުން ވަނީ ބުނެފައެވެ.
މީގެ އިތުރުން ފުލުހުން ބުނީ އޭނާގެ ހަށިގަނޑު ޕޯސްޓުމޯޓަމް ހަދަން މޯލްޑިވްސް ޕޮލިސް ސާވިސް އިން ނިންމާފައިވާ ކަމަށެވެ.
