ބަންޑުން ޖަހާލި ކޮޅުވެއްޓިން ގެއްލުނު މީހާގެ ހަށިގަނޑު ފެނިއްޖެ ކަމަށް އެމްއެންޑީއެފް އިން ބުނެފިއެވެ.
ގެއްލިގެން ހޯދަމުން އައީ ރ. ކުޑަކުރަތު ރިސޯޓުން ފުރައިގެން މާލެއަށް ދަތުރުކުރި “ލިއޯ ޕާލް” ލޭންޑިންގ ކްރާފްޓެއް ބަންޑުން ޖަހާލައި އޭގެން ދަތުރުކުރި މީހެކެވެ.
އެމްއެންޑީއެފުން ދެންމެ ބުނީ ”ލިއޯ ޕާލް“ ލޭންޑިންގ ކްރާފްޓް ބަންޑުން ޖަހާލި ހާދިސާގައި ގެއްލިގެން ހޯދަމުންދިޔަ ބިދޭސީ މީހާގެ ހަށިގަނޑު، ބަންޑުން ޖަހާލި ލޭންޑިންގ ކްރާފްޓްގެ ދަށުގައި އޮއްވައި އެމްއެންޑީއެފް ކޯސްޓްގާޑުގެ ޑައިވަރުން ހޯދައިފި ކަމަށެވެ.
ނަމަވެސް ފެނުނު އިރު އޭނާގެ އެއްވެސް ހަރަކާތެއް ނެތް ކަމަށް އެމްއެންޑީއެފުން ހާމަކުރެއެވެ.
މި ލޭންޑިންގ ކްރާފްޓުން ދަތުރުކުރި ފަސް މީހުންގެ ތެރެއިން ހަތަރު މީހުން ކަނޑުވެފައި ވަނިކޮށް ސީއެމްބިއުލޭންސް 21 އަށް ނަގާފައިވަނީ ރޭ ފަތިހުއެވެ.
