މި މަހުގެ 21 ވަނަ ދުވަހު ބޭއްވި ރައްޔިތުންގެ މަޖިލީހުގެ އިންތިޚާބުގައި މި ވަގުތު ރާއްޖޭގައި އޮތް އެންމެ ބޮޑު އިދިކޮޅު ސިޔާސީ ޕާޓީ އެމްޑީޕީއަށް 12 ގޮނޑި ލިބިފައިވާ ކަމަށް އިލެކްޝަންސް ކޮމިޝަންސް އިން ނެރުނު ވަގުތީ ނަތީޖާއިން ދައްކައިފިއެވެ.
އެގޮތުން އެކޮމިޝަނުން ރޭ އިއުލާންކުރި 20 ވަނަ މަޖިލީހުގެ ވަގުތީ ނަތީޖާ ދައްކާ ގޮތުން އިންތިހާބުގައި ސަރުކާރު ހިންގާ ޕީއެންސީން ވަނީ 66 ގޮނޑި ކާމިޔާބު ކޮށްފައެވެ.
އަދި އިދިކޮޅު އެމްޑީޕީއަށް ލިބިފައި ވަނީ 12 ގޮނޑިއެވެ.
ޖޭޕީއަށް އެއް ގޮނޑި އަދި އެމްއެންޕީއަށް އެއް ގޮނޑި،ލިބިފައި ވާއިރު އަމިއްލަ ގޮތުން ވާދަކޮށް އިންތިޚާބުގައި ކާމިޔާބި ހޯދި 11 ފަރާތެއް ހިމެނޭއިރު ޕީއެންސީގެ ތާއީދާއެކު އަމިއްލަ ގޮތުން އިންތިޚާބުގައި ކުރިމަތިލި ގިނަ ފަރާތްތަކެއް ހިމެނެއެވެ.
