ތ. ވިލުފުށި ކައިރީ އޮންނަ ފަޅު ރަށަކަށް ދަތުރު ދިޔަ ކުއްޖަކު ގެނބިގެން ނިޔާވެއްޖެއެވެ.
މިކަން ހާމަކޮށް ފުލުހުން ދެންމެ ބުނީ ވިލުފުށި ކައިރީ އޮންނަ ފަޅުރަށަކަށް ދަތުރުގޮސް އުޅުނު އުމުރުން 17 އަހަރުގެ އަންހެން ކުއްޖަކު ގެނބިގެން ނިޔާވެފައިވާ ކަމަށެވެ.
އެގޮތުން މި މައްސަލަ ފުލުހުންނަށް ރިޕޯޓުކޮށްފައި ވަނީ މިއަދު މެންދުރު 12:45 ގައި ކަމަށް ފުލުހުން ހާމަކުރެއެވެ.
މީގެ އިތުރުން ފުލުހުން ބުނީ ކުއްޖާ ގެނބިގެން ވިލުފުށި ހެލްތު ސެންޓަރަށް ގެންދިޔަ ކަމަށާއި ނަމަވެސް ހެލްތު ސެންޓަރަށް ގެންދެވެނު އިރުވެސް ނިޔާވެފައިވާ ކަމަށެވެ.
ފުލުހުން ބުނީ މި މައްސަލަ އިތުރަށް ތަހުޤީގު ކުރަމުން އަންނަ ކަމަށެވެ.
