ގޯތިގެދޮރު ހެދުމަށް ދޫކުރާ ޚާއްސަ ލުއިލޯނުގެ ފުރުސަތު ވަރަށް އަވަހަށް ހުޅުވާލުމަށް ސަރުކާރުން ނިންމައިފިއެވެ.
މިކަން ހާމަކުރައްވާފައި ވަނީ ރައްޔިތުންގެ މަޖިލީހުގެ އިންތިޚާބުގައި ޕީއެންސީގެ ޓިކެޓުގައި މައްޗަންގޮޅި މެދު ދާއިރާއަށް ވާދަކުރައްވާ އަހުމަދު ޟަމީރުގެ ކެމްޕޭން ޖަގަހަ ހުޅުވުމަށް ޗާންދަނީ މަގުގައި މިރޭ ބޭއްވި ރަސްމިއްޔާތުގައި ވާހަކަދައްކަވަމުން ރައީސް ޑރ. މުހައްމަދު މުޢިއްޒު އެވެ.
އެގޮތުން ރައީސް ވިދާޅުވީ ސަރުކާރުގެ ތެރެއިން ކަމާބެހޭ މިނިސްޓްރީން އަމިއްލަ ގޯތީގައި ގެދޮރު ހެދުމަށްޓަކައި އަތްފޯރާފަށުގެ ލޯން ސްކީމު ދާދި އަވަހަށް ހުޅުވާލާނެ ކަމަށެވެ.
”އެކަން ކުރުމަށްޓަކައި ވެސް އަޅުގަނޑުމެންގެ މިދިޔަ 100 ދުވަސްތެރޭގައި ވަރަށް ގިނަ މަސައްކަތްކުރެވި މިހާރު ގާތްގަނޑަކަށް އަޅުގަނޑުމެންގެ ހުރިހާ ފަންނީ، ޓެކްނިކަލް މަސައްކަތްތަކެއް ނިމުމަކާ ހަމައަށް ގޮސްފައިވަނީ“ ރައީސް ވިދާޅުވިއެވެ.
ރާއްޖޭގެ ހުރިހާ ސަރަހައްދަކަށް ހުޅުވާލާ އެ ލޯން ސްކީމް މިހާރު އެވަނީ ގާތްގަނޑަކަށް އިއުލާން ކުރެވޭ ހިސާބަށް ގެންދެވިފައި ކަމަށް ރައީސް ވިދާޅުވިއެވެ.
ރައީސް ވިދާޅުވީ މިއީ މާލެ ސިޓީގައި ވިޔަސް، އަދި އެހެން ރަށްތަކުގައި ވިޔަސް އަމިއްލަ ގެދޮރު ހުރެ، އެ ގޭގައި ނުވަތަ ގޯތީގައި ގެއެއް އިމާރާތްކުރެވޭނެ ފަދަ ތަނަވަސްކަން ނެތް، އާންމުކޮށް ހުންނަ ކޮމާޝަލް ރޭޓުތަކުގައި ބޭންކަށް ގޮސް ލޯނު ނަގައިގެން ގެ ނެހެދޭނެ މީހުންނަށް އަތްފޯރާފަށުގައި ލުއި ލޯނުތަކެއް ތައާރަފުކުރުމަށް ދޭ ލޯން ސްކީމެއް ކަމަށެވެ.
One Response
ލުއި ލޯނަކަށް ވަނީ އިންޓަރެސްޓް ނުހިމެނޭނަމަ