ބަދަލުތަކަކާއެކު އިލެކްޝަންސް ކޮމިޝަން (އީސީ) ގެ އާ ވެބްސައިޓް އިފްތިތާހުކޮށްފިއެވެ.
އީސީއިން ބުނީ އައު ވެބްސައިޓް ފަރުމާކޮށްފައި ވަނީ މަޢުލޫމާތުތައް ފަސޭހައިން ހޯދޭނެ ގޮތަށް ކަމަށެވެ.
އެގޮތުން އީސީގެ އެންމެ ފަހުގެ މަސައްކަތްތަކާއި ޚަބަރާއި، މައުލޫމާތު މި ވެބްސައިޓުން ފެންނަން ހުންނާނެއެވެ.
އަދި އައު ވެބްސައިޓު މެދުވެރިކޮށް އީސީއަށް ހިޔާލު ހުށަހެޅޭނެ އިންތިޒާމު ވެސް ވަނީ ހަމަޖައްސާފައެވެ.
އީސީގެ އައު ވެބްސައިޓުން 2008 ވަނަ އަހަރުގެ ފަހުން ބޭއްވި ހުރިހާ ރިޔާސީ އިންތިޚާބަކާއި މަޖިލިސް އިންތިޚާބުތަކުގެ އިތުރުން ލޯކަލް ކައުންސިލްތަކުގެ އިންތިޚާބުތަކުގެ ނަތީޖާއާއި އިންތިޚާބުތަކާއި ގުޅިގެން ހުށަހެޅުނު ޝަކުވާތަކުގެ ތަފާސްހިސާބު ވެސް ބަލާލެވޭނެއެވެ.
