މި ފެށޭ ރަމަޟާން މަހު މާލޭ ނޫރު މިސްކިތުގައި އިމާމުވެ ތަރާވީސްކުރުމުގެ ފުރުސަތު އުމުރުން 11 އަހަރުގެ ކުއްޖަކަށް ދީފިއެވެ.
އިސްލާމިކް މިނިސްޓަރު ޑރ.މުޙައްމަދު ޝަހީމް ޢަލީ ސަޢީދު ކުރެއްވި ޕޯސްޓެއްގައި ވިދާޅުވީ އުމުރުން 11 އަހަރުގެ އިޒްކާން އަޖީބު ޙުސައިން ކީރިތި ޤުރުއާން ހިތުދަސްކޮށް އިމްތިހާނު ހަދައި ނިންމުމުން އޭނާއާއި އޭނާގެ މަންމައާއި ބައްޕައާއި ބައްދަލުކޮށްލުމަކީ އުފާވިކަމެއް ކަމަށެވެ.
މި ބައްދަލުވުމުގައި އިޒްކާން އެދުނީ ރޯދަ މަހު އިމާމުވެ ތަރާވީސްކުރުމުގެ ފުރުސަތު ދެއްވުމަށެވެ. އެގޮތުން މިނިސްޓަރު ވަނީ އިޒްކާން އަށް އެ ފުރުސަތު ދެއްވުމަށް ނިންމަވައިފައެވެ.
އިސްލާމިކް މިނިސްޓްރީން މިއަދު ބުނީ ރަމަޟާން މަހު މާލޭ ނޫރު މިސްކިތުގައި އިމާމުވެ ތަރާވީސްކުރުމަށް ހަމަޖެހިފައިވަނީ އަލްހާފިޒު އިޒްކާން އަޖީބު ޙުސައިން ކަމަށެވެ.
One Response
ހަރުދަނާ ޒުވާން ލީޑަރުން އުފެއްދުމަށް ތިކުރައްވާ މަސައްކަތަށް މަރްޙަބާ!