ވައްކަމުގެ މައްސަލައެއްގައި ފުލުހުންގެ ތަހުޤީގަށް ބިދޭސީއަކު ހޯދަން އިއުލާނުކޮށްފިއެވެ.
ފުލުހުންގެ ވެބްސައިޓްގައި ފޮޓޯ އާންމުކޮށް ހޯދަން އިއުލާންކޮށްފައި ވަނީ ބަންގްލަދޭޝްއަށް ނިސްބަތްވާ އެމްޑީ އަޒިޒަލް އިސްލާމް އެވެ.
އޭނާ ހޯދަމުން ދަނީ މ. މުލި ޕޮލިސް ސްޓޭޝަނުން ތަހުގީގު ކުރަމުންދާ ވައްކަމުގެ މައްސަލައެއްގެ ތަހުގީގަށް ހާޒިރުކުރުމަށް ކަމަށް ފުލުހުން ބުނެފައި ވެއެވެ.
ފުލުހުން ވަނީ ޖިނާއީ މައްސަލަތައް ތަހުގީގު ކުރުމުގައި ފުލުހުން އަމަލު ކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން އޭނާއަށް ތަހުގީގަށް ހާޒިރުވުމަށް އާންމުކޮށް އަންގާ އިއުލާނު ކޮށްފައެވެ.
އެހެން ކަމުން މި މަހުގެ 26 ވަނަ ދުވަހުގެ 11:00ގެ ކުރިން މުލި ޕޮލިސް ސްޓޭޝަނަށް ނުވަތަ އެންމެ ކައިރި ޕޮލިސް ސްޓޭޝަނަކަށް ހާޒިރުވުމަށް ފުލުހުން ވަނީ އޭނާ އަށް އަންގާފައެވެ.
