ރޮއިޓާރސް ޚަބަރު ދީފައިވާ ގޮތުގައި ޗައިނާއިން ދެކުނު ޗައިނާ ކަނޑުގައި ހިންގަމުން ގެންދާ ގޮތްދޫނުކުރުމުގެ ހަރުކަށި ފިޔަވަޅުތައް ހުއްޓުވަން އެބަޖެހޭކަމަށް އެމެރިކާގެ ކަނޑުގެ ސިފައިންގެ އިސް ބޭފުޅުން ހާމަކޮށްފިއެވެ.
އެމެރިކާގެ ކަނޑުގެސިފައިން މިކަން ހާމަކޮށްފައި ވަނީ ފިލިޕީންގެ އުޅަނދަކަށްޖެއްސުންކުރަން ޗައިނާގެ ކޯސްޓް ގާރޑުން ވޯޓަރ ކެނަން ބޭނުންކުރުމާއިގުޅިގެންނެވެ.
ވައިސް އެޑްމިރަލް ކާލް ތޯމަސް ފިލިޕީންސްގެ ކަނޑު ސިފައިންނަށްކަށަވަރުކޮށްދިނީ އެމީހުން އައިސް އެތިބީ މަގްސަދެއްގައި ކަމަށާއި ފިލިޕީންސްގެ ސިފައިން އެކަނިވެރި ނުވާނެކަމަށެވެ.
ޖަޕާނުގައި ގާއިމް ކޮށްފާހުންނަ އެމެރިކާ ކަނޑުސިފައިންގެ 7 ވަނަ ފްލީޓަކީ އެމެރިކާގެ އެންމެ ބޮޑު ކަނޑުސިފައިންގެ ލަޝްކަރެވެ. އެއީ 27000 ސިފައިންނާއި 150 މަތިންދާ ބޯޓާއި އަދި 70 މަނަވަރުގެ އެކުލެވިފައިވާ ބާރުގަދަ ލަޝްކަރެކެވެ.
އެ ލަޝްކަރުގެ ގޮފިތައް ސިންގަޕޯރާއި ދެކުނު ކޮރެއާގައި ގާއިމްކޮށްފާ ހުރެއެވެ. އަދި އެ ލަޝްކަރު 124 މިލިއަން އަކަ ކިލޯމީޓަރުގެ ސަރަޙައްދެއް ބަލަހައްޓަމުން ގެންދެއެވެ. އެޑްމިރަލް ކާރލް ތޯމަސް ދެއްވި ބަސްދީ ގަތުމެއްގައި ބުނެފައިވަނީ މަޑުމަޑުން ކޮށްޕަމުންދާ ޗައިނާގެ ސިފައިންގެ ކުރިއެރުން ހުއްޓުވަން ޖެހޭނެއެވެ.
މިކަމުގައި އޯގަސްޓް 5 ވަނަދުވަހު ހިނގާދިޔަ އިދިކޮޅު ޙަރަކާތަށްވުރެން ވަކިން ރަނގަޅު މިސާލެއް ނުލިބޭނެއެވެ. އެދުވަހު ދެކުނު ޗައިނާ ކަނޑުގައި އޮތް ފިލިޕީންސްގެ މަނަވަރަށް ބޭނުންވާ ސާމާނު ފޯރުކޮށްދޭން އުޅުނު ފިލިޕީންސްގެ ބޯޓުތަކަށް ޗައިނާގެ ކޯސްޓްގާރޑުންވަނީ ވޯޓަރ ކެނަނުން ޙަމަލާދީ ޖެއްސުން ކޮށްފައެވެ. އަދި އެއީ އެމެރިކާއާއި ޗައިނާއިން އެއްބަސްވެފައިވާ ސަރަޙައްދުން ބޭރުގައެވެ.
ފިލިޕީންސްގެ ވައިސް އެޑްމިރަލް އަލްބަރޓޯ ކާރލޮސް އައިއެކު މި މައުޟޫއުގައި މަޝްވަރާ ކޮށްފައިވާ ކަމަށާއި އަހަރެމެންގެ އަތުގައި ހުރި ވަސީލަތްތަކާއި ފެންވަރު އޭނާއަށް ކިޔާދޭކަށް ނުޖެހޭނެކަމަށް ވައިސް އެޑްމިރަލް ކާލް ތޯމަސް ރޮއިޓާރސްއަށް ކިޔާދިނެވެ.
ދެކުނު ޗައިނާކަނޑުގެ ޙާލަތު ބަލާލުމުގެ ފްލައިޓް ދަތުރެއް މިދިޔަ ހޮނިހިރު ދުވަހު ކުރައްވާފައިވާ ކަމަށްވެސް ތޯމަސް ވިދާޅުވިއެވެ. އަދި 2016 ވަނައަހަރު ދެކުނު ޗައިނާ ކަނޑާ ބެހޭގޮތުން ޗައިނާއާއި ދެކޮޅަށް ބައިނަލް އަގްވާމީ ނިންމުމެއްވެސް ފިލިޕީންސްއިން ވަނީ ކާމިޔާބު ކޮށްފައި ކަމަށާއި އެހެންވީމާ ދެކުނު ޗައިނާކަނޑަކީ މިހާރު ޗައިނާގެ ބާރުގެ ދަށުގައިވާ ތަނެއް ނޫނެވެ.
ޗައިނާއިން މިހާރު ވަނީ ދެކުނު ޗައިނާ ކަނޑުތެރޭގައި ފަޅުހިއްކައިގެން މިލިޓްރީ ބޭސްއެއް ގާއިމް ކޮށްފައެވެ. އެހެންނަމަވެސް އެ ރަށް މެލޭޝިޔާއާއި ބުރޫނާއި އާއި އިންޑޮނޭޝިޔާއާއި ވިއެޓްނާމާއި އަދި ފިލިޕީންސްގެ އިގްތިސާދީ ސަރަޙައްދަށް ފުށޫއަރާކަމަށް އެގައުމުތަކުން ދަނީ ބުނަމުންނެވެ.
މިކަމާގުޅޭގޮތުން ފިލިޕީންސްގައިހުންނަ ޗައިނާގެ ސަފީރު އޮފީހުން ބުނާ އެއްޗެއް ހޯދަން ރޮއިޓާރސް އިންކުރި މަސައްކަތް މިހާތަނަށް ކާމިޔާބެއް ނުވާކަމަށް ބުނެފައިވެއެވެ.
2 Responses
އެމެރިކާ މީހުންގެ ދުނިޔެއެއްތޯއެވެ. އެމެރިކާ ކަނޑުގައި ޗައިނާއިން އެމެރިކާގެ އަވަށްޓެރި ގައުމަކާއި ގުޅިގެން ހަމަނުޖެހުމެއް ހިންގަން އުޅެފާނެ ކަމަށް ހީވެއްޖެނަމަ އެމެރިކާ އަބަޔެއްގަޔަށް ޖަހާނީ ފެން ތޯއެވެ. ދުނިޔޭގެ ހަމަނުޖެހުމުގެ ގޮށްމުށުގެ ވެރިޔަކީ މިއަދު އެމެރިކާ އާއި އޭނާގެ ބައިވެރީންނެވެ. އެކަން މިހާރު ވަރަށް ގިނަ ގައުމުތަކަށް އެނގެއެވެ.
އިރާގު ފުޑާލީ ފަނާކުރަނިވި ހަތިޔާރު އެގައުމުގައި މާގިނަވީމައެވެ. އެކަކަމު ހޯދާހޯދާ ނެފެނުނެވެ. އެ ހުރިހާ އެއްޗެއް ހުރީ އުމަރު އައްޔާރުގެ ސުންބުލީގައެވެ. އުމަރު އައްޔާރު މަރުވިޔަސް އޭނާގެ ސުންބުލި މަރެއް ނުވެއެވެ. މިހާރު އެ ސުންބުލި އޮތީ އީރާނުގައި ކަމަށް ބުނެއެވެ. އެ ސުންބުލި ހޯދަން ވަރަށް ބޮޑަށް އެބަ މަސައްކަތްކުރެއެވެ. އެއީ ޗައިނާއިން ގެންގުޅޭ އެއްޗެހިތައްވެސް އެ ސުންބުލީގައި ފޮރުވާފާނެތީއެވެ.