ގދ.ތިނަދޫ އުތުރު ދާއިރާގެ ކުރީގެ މެމްބަރު ސަޢުދުﷲ ހިލްމީއާއި ޕީޕީއެމްއާ ގުޅިވަޑައިގެންފިއެވެ.
ސަޢުދުﷲ ޕީޕީއެމްއާ ގުޅިވަޑައިގަތީ މިރޭ ތިނަދޫގައި ބޭއްވި ޕީޕީއެމް/ޕީއެންސީގެ ރިޔާސީ ކެންޑިޑޭޓް ޑރ.މުޙައްމަދު މުޢިއްޒުގެ ކެމްޕޭން ޖަލްސާގައެވެ.
މީގެއިތުރުން ތިނަދޫ ކައުންސިލްގެ ކުރީގެ ރައީސް ޢަލީ އަމްޖަދާއި ނައިބު ރައީސް އިބްރާހިމް ރިޔާޟް ވެސް ވަނީ ޕީޕީއެމްއާ ގުޅިވަޑައިގެންފައެވެ.
މިރޭގެ ޖަލްސާގައި އެ ތިން ބޭފުޅުންގެ މެމްބަރޝިޕް ފޯމާ ހަވާލުވެވަޑައިގަތީ ޑރ.މުޢިއްޒުއާއި އިދިކޮޅު ކޯލިޝަން ހިންގެވުމާ ހަވާލުވެ ހުންނެވި ޕީއެންސީގެ ރައީސް ޢަބްދުއްރަޙީމެވެ.
ޑރ.މުޢިއްޒަށް ތާއީދު ކުރައްވައި މި ތިން ބޭފުޅުން ޕީޕީއެމްއާ ގުޅިވަޑައިގެންފައިވާއިރު އެ ރަށުގައި ޕީޕީއެމް/ޕީއެންސީއަށް އޮތް ތާއީދު އަންނަނީ އިތުރުވަމުންނެވެ.
