ރިޔާސީ އިންތިޚާބުގައި ބައެއް ކެންޑިޑޭޓުން ވާހަކަފުޅު ދައްކަވާއިރު ހީވަނީ ޚުދުމުޚުތާރު ވެރިކަމެއް ކުރައްވަން ބޭނުންފުޅުވާހެން ކަމަށް ކުރީގެ ރައީސް އަލްއުސްތާޒު މައުމޫން ޢަބްދުލްޤައްޔޫމް ވިދާޅުވެއްޖެއެވެ.
އެމްއާރްއެމްގެ ބާނީ ރައީސް މައުމޫން މިހެން ވިދާޅުވީ މިއަދު ކުރެއްވި ޓުވީޓެއްގައެވެ.
މައުމޫން ވިދާޅުވީ ބައެއް ކޭންޑިޑޭޓުން ވާހަކަފުޅު ދައްކަވާއިރު ވަގުތުން މިވެނި ކަމެއް ކުރައްވާނަމޭ ނުވަތަ ވަގުތުން މިވެނި ކަމެއް ހުއްޓުވާނަމޭ ވިދާޅުވާ ކަމަށެވެ. އެފަދަ ވާހަކަތައް ދެއްކެވުމުން ހީވަނީ ޚުދުމުޚުތާރު ވެރިކަމެއް ކުރައްވަން ބޭނުންފުޅުވާހެން ކަމަށް މައުމޫން ވިދާޅުވިއެވެ.
“ވަގުތުން މިވެނި ކަމެއް ކުރައްވާނަމޭ ވަގުތުން މިވެނި ކަމެއް ހުއްޓުވާނަމޭ. ކޮބައިތޯ ޤާނޫނު؟ ކޮބައިތޯ ޑިއު ޕްރޮސެސް؟“ 30 އަހަރުގައި ވެރިކަން ކުރެއްވި މައުމޫންގެ ޓުވީޓުގައި ސުވާލު އުފައްދަވާފައިވެއެވެ.
މައުމޫން މިހެން ވިދާޅުވިއިރު އަމިއްލަ ގޮތުން އިންތިޚާބުގައި ވާދަކުރައްވާ އެމަނިކުފާނުގެ ދަރިކަލުން އަދި އެމްއާރްއެމްގެ ރައީސް އަޙްމަދު ފާރިޝް މައުމޫން ވެސް ގެންދަވަނީ ވެރިކަން ލިބިވަޑައިގެންފިނަމަ ކުރައްވާނެ ކަންކަމާއި ހުއްޓުވާނެ ކަންކަމުގެ ވާހަކަ ދައްކަވަމުންނެވެ.
One Response
އެކަމާ ދެން ކަލޭ ކަންބޮޑުވާނެކަމެއްނެތެވެ. ކަލޭކުރި ވަރުގެ ހުދުމުޚުތާރު ވެރިކަމެއް، އެހެންމީހަކަށް ދެނެއް މިޤައުމުގައި ކުރުމުގެ ފުރުޞަތެއް ނެތެވެ. ނަމަވެސް މިހާރުގެ ވެރިކަން އެކަރަނީ ކަލޭގެ ސިޔާސަތުގެ ދަށުންނެވެ.