ރައްޔިތުންގެ މަޖިލީހުގެ ރައީސް މުޙައްމަދު ނަޝީދާއި ދަ ޑިމޮކްރެޓްސްގެ ރިޔާސީ ކެނޑިޑޭޓް އިލްޔާސް ލަބީބް އައްޑޫ ސިޓީއަށް ފުރާވަޑައިގަންނަވައިފިއެވެ.
ޑިމޮކްރެޓްސްގެ ރިޔާސީ ކެނޑިޑޭޓްގެ ހައިސިއްޔަތުން އިލްޔާސް ކުރައްވާ ފުރަތަމަ ދަތުރުފުޅު ކުރިއަށްދާނީ މި މަހުގެ 31 ވަނަ ދުވަހުގެ ނިޔަލަށެވެ.
އިލްޔާސް ޑިމޮކްރެޓްސްގެ ރިޔާސީ ޓިކެޓް ކަށަވަރު ކުރެއްވީ އިއްޔެ ކުރިއަށް ގެންދިޔަ ޕްރައިމަރީގައި ވޯޓުލީ 3203 މީހުންގެ ތެރެއިން 3041 މީހުންގެ ވޯޓާއެކުއެވެ.
ރިޔާސީ ޕްރައިމަރީއަށް ކުރިމަތިލެއްވީ އިލްޔާސް އެކަނި ކަމުން ނެގީ ފެންނަ ނުފެންނަ ވޯޓެކެވެ. ނުފެންނަ ކަމަށް ވޯޓުދީފައިވަނީ 153 މީހުންނެވެ.
އިލްޔާސް ވަނީ ސެޕްޓެމްބަރު 09 ގައި އޮންނަ ރިޔާސީ އިންތިޚާބު ކާމިޔާބު ކުރައްވާނެކަމަށް ވިދާޅުވެފައެވެ.
ރިޔާސީ ކެމްޕޭނަށް އިލްޔާސް މިހާރު އައްޑުއަށް ފުރާވަޑައިގަންނަވާފައިވާއިރު އޭނާ މިއަދު ވަނީ ހެންވޭރު އުތުރުގައި ދޮރުންދޮރަށް ވެސް ހިންގަވައިިފައެވެ. އަދި ޑިމޮކްރެޓްސްގެ ޓީމުތަކުން ރާއްޖޭގެ އެކި ކަންކޮޅުތަކުގައި ދަނީ ކެމްޕޭން ހަރަކާތްތައް ހިންގަމުންނެވެ.
