ވެލާނާ އިންޓަނޭޝަނަލް އެއާޕޯޓުގައި އަލިފާނުގެ ހާދިސާއެއް ހިނގައިފިއެވެ.
“ސަންދާނު“ އަށް މައުލޫމާތު ލިބިފައިވާ ގޮތުން މި ހާދިސާ ހިނގީ މިއަދުގެ ހެނދުނުގެ ވަގުތެއްގައެވެ.
އަލިފާން ރޯވީ އެއާޕޯޓު ބޮޑުކުރުމުގެ މަޝްރޫއު ހިންގާ ޗައިނާގެ ކުންފުނި ކަމަށްވީ ބީޔޫސީޖީގައި ބޭނުންކުރާ ތާރު އަޅާ ވެހިކަލެއްގައެވެ.
އެ ވެހިކަލް އޮތީ އެއާޕޯޓުގެ އައު ރަންވޭގެ އެއް ފަޅީގައި ހުންނަ ސައިޓެކެވެ.
ރޯވި އަލިފާންގަނޑު ނިއްވާލައިފައިވާއިރު މި ހާދިސާގައި އެއްވެސް މީހަކަށް އަނިޔާއެއް ނުލިބެއެވެ.