މާލެއިން މީހަކު ގެއްލިގެން ހޯދަން ފަށައިފިއެވެ.
ގެއްލިގެން ހޯދަމުންދަނީ ކ. މާލެ/ހ.ކޯލީފްލާވަރ, އަޙްމަދު ނާޝިދު (46އ) އެވެ.
ފުލުހުން ވިދާޅުވީ މި މަހުގެ 15 ވަނަ ދުވަހުން ފެށިގެން ވީނުވީއެއް ނޭނގި ގެއްލިގެން އޭނާގެ އާއިލާއިން ފުލުހުންނަށް ރިފޯޓްކޮށްފައިވަނީ 19 ވަނަ ދުވަހު ކަމަށެވެ.
“އަޙްމަދު ނާޝިދު ގެއްލިގެން ރިޕޯޓު ކުރުމާ ގުޅިގެން ފުލުހުންގެ ކަމާގުޅުން ހުރި އެންމެހާ ބަހާތަކަށް މައުލޫމާތުތައް ހިއްސާކޮށް ހޯދުމުގެ މަސައްކަތް ދަނީ ކުރަމުން.“ ފުލުހުން ވިދާޅުވިއެވެ.
ނަމަވެސް ނާޝިދު ހޯދުމަށްޓަކައި މިހާތަނަށް ފުލުހުން ކުރި މަސައްކަތުން ފެނިފައިނުވާ ކަމަށާއި އޭނާއާ ގުޅޭ އެއްވެސް މައުލޫމާތެއް ލިބިފައިވާނަމަ ފުލުހުންގެ ސީރިއަސް އެންޑް އޮގަނައިޒް ކްރައިމް ޑިޕާޓްމަންޓްގެ ނަންބަރު 9911099 އަށް ގުޅުއްވައި ހިއްސާކުރެއްވުން އެދޭކަމަށް ފުލުހުން ވަނީ ވިދާޅުވެފައެވެ.
